瓢蟲
From Wikipedia, the free encyclopedia
More information How to read a taxobox瓢蟲, 物種分類 ...
![]() | ||||||||||||
---|---|---|---|---|---|---|---|---|---|---|---|---|
一隻典型嘅七星瓢蟲 | ||||||||||||
物種分類 | ||||||||||||
| ||||||||||||
Close
瓢蟲有獨特易認嘅外形:佢哋通常係 0.8 到 18 毫米(0.03 到 0.71 吋)長,喺外觀上最樣眼嘅特徵係身體圓碌碌噉形,喺背脊嗰度有色水好鮮艷嘅翼鞘-瓢蟲嘅背脊通常係黃、橙或者紅色做底兼且帶有黑色斑點或者條紋嘅,而頭、腳同埋觸角就多數係黑鼆鼆噉嘅色,亦都有一部份瓢蟲物種係色水冇咁樣眼嘅,例如十二斑褐菌瓢蟲(Vibidia duodecimguttata)就係背脊啡色底帶有白色斑點嘅[4][5]。
多數物種嘅瓢蟲都屬益蟲:對農夫嚟講,瓢蟲通常都係佢哋樂於見到嘅生物;噉係因為瓢蟲係食肉嘅,會食一啲細隻嘅食草昆蟲(例如係蚜蟲),而瓢蟲食嗰啲食草昆蟲當中好多都係會食同破壞農作物嘅-所以瓢蟲間接幫手保護咗好多農作物,對農夫有利[3][6];不過,亦有部份物種嘅瓢蟲係害蟲,好似係食植瓢蟲(Epilachninae)呢個屬嘅瓢蟲噉,佢哋係食草嘅-會食走米、荳同薯仔等農作物嘅葉,當佢哋啲天敵數量減少嗰陣時,呢啲物種嘅瓢蟲數量會突然暴增,對農作物可以造成嚴重損害[7][8]。