From Wikipedia, the free encyclopedia
甲蟲(粵拼:gaap3 cung4),學名叫鞘翅目(Coleoptera),係一個目嘅昆蟲。同第啲昆蟲一樣,甲蟲嘅身體分做頭、胸同埋腹三
甲蟲有極高嘅內部多樣性:甲蟲包含咗成超過 350,000 個物種,係截至 2020 年為止動物界入面物種數量最多嘅一個目-動物物種當中有成 25% 咁多嘅都係甲蟲[2];成個目包含咗瓢蟲、螢火蟲、兜蟲、鍬甲蟲同象鼻蟲等多種唔同款(而且好多時都顏色鮮艷)嘅昆蟲。因為噉,有好多人都以搜集甲蟲嘅標本為樂[3]。
甲蟲嘅英文名叫 beetle。
甲蟲冚唪唥都係完全變態嘅,即係話一隻甲蟲一世蟲會經過膥、幼蟲、蛹同埋成蟲四個階段:
有好多種物種嘅甲蟲-例子可以睇吓兜蟲同鍬甲蟲-都會靠啲公打交嚟決定邊個有得交配;交配完咗之後,啲甲蟲乸就會搵地方產卵,而「啲成蟲交配完做乜」就視物種而定,有好多物種嘅甲蟲係交配完冬天一到就死嘅,不過都有物種嘅甲蟲可以一路生存到成超過 40 歲咁長命[4]。
瓢蟲(學名:Coccinellidae)係一科好常見嘅細隻甲蟲,分佈廣泛,喺所有熱帶至溫帶種得到農作物嘅地區-包括嶺南地區同英格蘭等地在內-都會見到佢哋嘅蹤影[5]。
瓢蟲有獨特易認嘅外形:佢哋通常係 0.8 到 18 毫米(0.03 到 0.71 吋)長,喺外觀上最樣眼嘅特徵係身體圓碌碌噉形,喺背脊嗰度有色水好鮮艷嘅翼鞘-瓢蟲嘅背脊通常係黃、橙或者紅色做底兼且帶有黑色斑點或者條紋嘅,而頭、腳同埋觸角就多數係黑鼆鼆噉嘅色,亦都有一部份瓢蟲物種係色水冇咁樣眼嘅,例如十二斑褐菌瓢蟲(Vibidia duodecimguttata)就係背脊啡色底帶有白色斑點嘅[6][7]。
多數物種嘅瓢蟲都屬益蟲:對農夫嚟講,瓢蟲通常都係佢哋樂於見到嘅生物;噉係因為瓢蟲係食肉嘅,會食一啲細隻嘅食草昆蟲(例如係蚜蟲),而瓢蟲食嗰啲食草昆蟲當中好多都係會食同破壞農作物嘅-所以瓢蟲間接幫手保護咗好多農作物,對農夫有利[5][8];
螢火蟲(學名:Lampyridae),喺廣東話裏面又有被人嗌做「放光蟲」[註 1],係甲蟲多食亞目下嘅一個科,包含超過 2,000 種物種咁多,主要分佈喺溫帶同熱帶嘅地區。佢哋蟲如其名,最出名嘅特徵係好多物種嘅成蟲都識發光[9]。
螢火蟲對人類嘅文化有一定嘅影響:有唔少人都覺得螢火蟲細細隻識發光噉好得意,會作創作品講螢火蟲,例如知步里工作室嘅《再見螢火蟲》就好出名;除此之外,螢火蟲亦都會被人攞嚟做旗艦物種-因為唔少人都鍾意螢火蟲,所以會想保育佢哋,而生態學家就會運用呢點,用「呢笪土地有螢火蟲」嚟做賣點做生態保育上嘅宣傳[10]。
金甲蟲(學名:Scarabaeidae),正式可以叫金龜子科,係甲蟲下嘅一個科,包含咗超過 30,000 個物種。
金甲蟲傾向會有[11]
屎甲蟲都屬於金甲蟲。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.