From Wikipedia, the free encyclopedia
玩具（粵拼：wun6 geoi6；嘢玩，英文：toy）即係可以攞嚟玩嘅物品，亦都有啲玩具會有教育用途。
.JPG)
玩具可以係由人特登設計嚟俾人玩嘅，例如公仔、扭計骰、滑板同積木等嘅物品都係由人專登設計嚟做玩具嘅；另一方面，一件玩具可以本身有第啲用途，但玩嗰個人發揮自己嘅想像力，用件嘢嚟玩，例如紙本身可以用嚟寫嘢畫嘢，又成日俾人攞嚟摺成飛機玩[1]。特登整嚟玩嘅玩具呢家嘢歷史悠久，可以追溯到去公元前 3,000 年嘅印度河文明，而到咗今日，玩具經已係人類最重要嘅文化產物之一，有好多人甚至會攞玩具嚟收藏[2]。
喺廿一世紀初嘅人類社會，玩具生產係一個大產業，喺 2020 年，淨係美國嘅玩具市場估計經已值成 255 億美元咁多[3]。玩具設計（toy design）係一門高度技術化嘅領域，做呢行嘅人需要具備工程學同細路心理學等領域嘅知識，能夠設計出細路仔會鍾意之餘又能夠有效率噉量產（指大量生產嗰陣成本唔會高過利潤）嘅玩具[4]。
香港部分人通過對「買嘢玩」等謂+賓+補語語法結構進行「重新分析」得到「嘢玩」作為「玩具」嘅同義詞，但係同「嘢食」、「嘢飲」唔同，爾種用法未得到廣泛接受[5]。爾種「重新分析」喺中文發展史上好常見[6]。
「玩具」早喺後漢就有，同家下「飾物」一詞相約，古人用「衣服玩具」[7][8] 或「衣裝玩具」[9]。之後呢個詞用喺北方中文道，原意同家下嘅為細路而設，為玩而玩嘅嘢唔同。
聰明玩具（smart toy）泛指內置微型電腦而能夠展現一定程度嘅人工智能嘅玩具，所以一件聰明玩具有可能（例如）按照玩緊佢嗰個細路嘅行為嚟調整自己，並且令個細路玩得更加過癮，簡單例子有曉做自然語言處理（指教人工智能處理語言嘅技術）同細路講嘢嘅公仔。可以睇吓 Furby。
「攞有第啲用途嘅物品做玩具」呢種行為喺人以外嘅動物身上都有觀察得到。動物學家試過觀察由人養嘅年幼黑猩猩，發現年幼黑猩猩有類似人類細路噉嘅行為：佢哋發現年幼嘅黑猩猩乸好興執起環境入面嘅樹枝，然後佢哋會將啲樹枝攞嚟做抱等嘅動作－好似當正啲樹枝係一個臊孲子噉；同時佢哋亦發現，成年嘅黑猩猩乸好少可會噉樣玩，而做咗阿媽嘅黑猩猩乸完全冇噉樣嘅行為。年幼黑猩猩乸嘅呢種行為俾人話好似人類細路（尤其係細路女）攞公仔嚟玩嗰陣嘅行為噉[10]。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
