筆架山

  提示：呢篇文講嘅唔係柏架山。

筆架山，又名畢架山或煙墩山，英文叫做Beacon Hill，係香港新九龍同新界交界之上嘅九龍山脈嘅其中一個峰，個峰有458米。座山因為個底有九廣鐵路嘅煙墩山隧道同後期嘅筆架山隧道留名。筆架山南山腰近大窩坪，同埋九龍塘歌和老街以北有同名住宅區。山上面有雷達站。

筆架山
筆架山
海拔	458米（1,503英尺）
位置	香港九龍北
座標	22°20′59″N 114°10′12″E
筆架山 呢座山嘅地理位置
睇 傾 改

地理

筆架山東面係獅子山，西面係尖山（鷹巢山）。筆架山同獅子山之間嘅山脊上面，重有兩個矮峰，近筆架山嗰邊有個鐵路拗（Railway Pass），近獅子山嗰邊就有九龍拗。

筆架山向北落山可以去到沙田地龍口落徑口，向南走就係大窩坪落石硤尾。

名

筆架係用來描述個山形，而煙墩或者英文 Beacon，就係話佢以前係軍事上燒草放煙發放訊號嘅地方。相傳係用響海防上面。至於煙墩位置，到今日就無人知喇。

交通

由龍翔道有龍欣道上煙墩山頂，去到山頂雷達站。成座山脊都響獅子山郊野公園裏面，麥理浩徑第五段亦都幾近山頂。