From Wikipedia, the free encyclopedia
梅花(粵拼:mui4 faa1;學名:Prunus mume);簡稱梅(mui4 / mui2);係薔薇科李屬嘅一樖落葉喬木,喺中國內地嘅長江以南地區都可以見到佢,其中喺江蘇、安徽、湖北、湖南同四川嘅比較多。
呢樖植物一般有4—5米到,最高可以生到10米。佢嘅樹葉好似闊嘅橢圓形,而且尾係長又尖噉。葉柄度有兩嚿凸咗出嚟嘅腺體。而花嘅方面,佢會開粉紅、白、紅或墨紅色嘅花,而花係出咗樹葉之後先至有。佢分開咗單層同多層嘅品種,大多數單層嘅梅花係可以結果,不過佢嘅果雖然可以食得,但係佢嘅味超酸。而大多數多層嘅梅花係好少結果,佢主要係成日畀人睇。
梅花有好多用途。佢既可以用嚟做園林嘅觀景植物,同時重可以用嚟做風景樹。另外,佢嘅果可以用嚟做食品同藥都得。有啲果梅經過加工之後,整成話梅、青梅、漬梅、酸梅、梅膏、陳皮梅鄧,甚至可以整成糖、梅酒同梅醋、酸梅湯都得。而佢嘅花可以提取香精。
維基百科嘅醫學類文章只係提供參考,並唔係醫療意見。 閣下如果有任何關於健康嘅問題,請諮詢專業醫護人員。 |
梅嘅葉、花、梗、根、果同籽都可以做藥,佢有以下呢啲功效:
格標題 | 格標題 |
---|---|
果 | 久咳、虛熱煩渴、久瘧、長期腹瀉、痢疾、大便出血、血尿、血崩、蛔厥腹痛、嘔、鉤蟲病、牛皮癬,爛肉。 |
花 | 喉嚨痹、瀉痢煩渴 |
葉 | 痢疾同霍亂 |
梗 | 不知道 |
根 | 風濕、痢疾、膽囊炎,瘰癘。 |
籽 | 膈氣、癰疽腫毒、外傷出血、暑氣,心煩。 |
中國文化入面,梅係冬季嘅代表花,有堅毅嘅精神。梅亦同蘭、竹、菊並稱「四君子」。
梅亦係中華民國國花。喺孫中山推翻咗清朝,之後搞咗中華民國嗰陣就用咗五色國旗嚟代表各個民族嘅團結,重用咗梅花呢五個花瓣嚟象徵五色徵。就係噉,梅花成日俾人話係中華民族嘅象徵。
梅花喺歷代中國文學入面,成日都俾詩人同詞人寫嘅嘢。
梅紋係梅花圖案化之後嘅日本家紋。喺奈良時代開始就猛咁用,由於菅原道真鍾意梅花先至用咗嚟搞天滿宮嘅神紋。而圖案方面,分別有「
喺中國內地嘅古詩文化入面,曾經有首同花名歌謠有關嘅詩係形容12個月出嘅比較靚嘅嗰啲植物。其中入面講嘅「正月梅花吐芬芳」就係佢。
喺廣州嘅東山嗰頭有個嗌「梅花村」嘅地名,就係聽話之前嗰時係一片鄉下地區,嗰時種咗好多梅花先至將個村改成噉嘅名。
喺啤牌嘅4隻花色入面,其中有一隻花色叫「梅花」。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.