王安石
From Wikipedia, the free encyclopedia
王安石（1021年12月18號—1086年5月21號），字介甫，號半山，封荊國公，世稱王荊公，江西臨川人（即係而家嘅撫州東鄉縣人），北宋政治人同思想家，亦係出名嘅文學家（唐宋八大家之一）。
佢早年曾經做過地方官，後來上書中央力求變革，獲得宋朝皇帝宋神宗賞識封做丞相。王安石做丞相期間推行出名嘅「王安石變法」，大力整頓國家嘅財政系統，希望能夠收集到足夠嘅資源去打仗，應付同遼國同埋西夏嘅威脅。之但係因為唔少理念都唔俾大多數人接受，甚至牽涉到大多數人嘅利益，所以變法只能夠斷斷續續。而本身好多具體措施都係喺推行嗰陣產生好多問題，雖然宋神宗力撐王安石，最後王安石都係要辭職告終。
王安石著有《王臨川集》、《臨川集拾遺》等等著作。他亦都好擅長寫詩、寫詞，代表作係《泊船瓜洲》：「春風又綠江南岸，明月何時照我還。」
歐陽修曾經讚過王安石：「翰林風月三千首，吏部文章二百年。老去自憐心尚在，後來誰與子爭先。」
王安石死後，謚號叫做「文」，所以後世亦叫佢做「王文公」。
出面網頁
 |
Wikiwand - on
Seamless Wikipedia browsing. On steroids.