同和站
From Wikipedia, the free encyclopedia
From Wikipedia, the free encyclopedia
同和站(「和」讀陰上聲,粵拼:tung4 wo2 zaam6;英文:Tonghe Station)係廣州地鐵3號綫嘅車站。2010年10月30號開通,位置喺廣州大道北近同和白山新路口(同泰路口南邊200m位)。
呢個站一共有2層樓嘅地下區域,其中地下1樓係站廳,有票務設施,客務中心同商鋪;地下2樓係3號綫嘅月台。同大多數3號綫車站一樣,既冇休息室,又冇廁所響度。
地下 一樓 |
站廳 | 站廳、售票機、客服中心 |
地下 二樓 |
2月臺 | ←3號綫列車去永泰站(行機場北嗰邊) |
1月臺 | 3號綫列車去京溪南方醫院站(行體育西路/番禺廣場站嗰邊)→ |
同和站嘅站廳收費區喺車站東邊,西邊係免費區通道。收費區有好多部扶手電梯同樓梯、專用𨋢往返月台都得。
呢個站有一個島式月台,喺廣州大道北嘅地底。
另外,喺車站北邊有組存車線嚟停備用列車。喺工作日早高峰時段開短綫時專門停向南行啲車,專門等晚高峰時段開出。若果喺同和站以北路段出現冬瓜豆腐,列車亦會攞呢度做臨時總站,屆時去白雲機場、106國道周邊同埋嘉禾、望崗一帶啲乘客需要出站轉搭其他交通工具直達。
萬勝圍站嘅北站廳免費區入面有麵包檔、糕餅檔同洗衫檔、時裝舖,另外重有自動櫃員機、自助影相機同埋自動販賣機,重有可以充羊城通,交水電費同交通嘅罰錢、查地鐵嘅路線、頭尾班車同地鐵嘅安全指引,重可以畀乘客登記變成廣州地鐵薈嘅會員嚟查獎分、換獎品嘅服務。
|
|
同和站冚唪唥嘅出入口 | ||||
---|---|---|---|---|
呢個站一共有2個出入口,分別係C同D。
呢個站最先喺2003年份地鐵規劃出現。嗰時機場快綫同3號綫合併而整咗呢個站,位置同而家差唔多。嗰時要等白雲機場搬走咗先至可以起。
由於舊嘅白雲機場喺2004年就搬走咗,3號綫嘅北延段經過政府批准,終於喺2007年底正式開始逳手起。2009年9月28號貫通咗從梅花園站到呢個站嘅右線盾構隧道[1]。工程直到2010年10月初先至搞掂。
2010年10月30號,由於3號綫北延段開通,呢個站亦正式開始營運。
呢個站周邊都係啲城中村同住宅小區,加上呢個站以北亦有以南湖周邊為主嘅遊樂區[註 1]。所以唔理係平時上落班定節假日、雙休日期間,車站客流都好多。尤其喺上落班高峰期,喺車站嘅站廳、月台同埋出入口幾乎係人山人海、出入站要打嗮蛇餅咁滯。所以每日上落班高峰好多時都有客流控制措施。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.