反話

反話（粵拼：faan2 waa2；英文：verbal irony），又叫反諷、反詰、反語、倒反，即係表達同字面意思相反嘅意思嘅手法。修辭學上就叫做反諷法或倒反法，係常用嘅修辭或講嘢嘅技巧。反話可以係用本身詞語相反嘅意思嚟表達原意，通常係用褒義詞代替貶義詞，就好似婉曲嘅微辭，不過唔一樣。

反話嘅作用係產生幽默感同諷刺性，有時比正說更加有味道。反語一般係用嚟批判、揭露壞人壞事，喺文章之中可以變得幽默、諷刺嘅表達效果，增強文章嘅感染力。反話可以有諷刺意味但係唔係一定要有嘅。

判斷係咪反話，主要係要睇語氣同語境。

例子

• 「我那時真是聰明過分，總覺他說話不大漂亮，非自己插嘴不可。」「唉，我現在想想，那時真是太聰明了。」朱自清《背影》

  呢度嘅「聰明」係指「蠢」，即係原本「聰明」相反嘅意思。

• 當你計錯數嘅嗰陣，人哋同你講：「哇——你真係好叻啊——」

  呢度你計錯數就梗係唔叻啦，人哋話你叻自然就唔係字面意思，加上語氣咁搞鬼，就可以推斷出人吔講反話，係話你差。

睇埋

• 委婉語
• 誇張
• 語境
• 雙重意思