反式脂肪

反式脂肪。英文叫「trans fats」。係一種不飽和脂肪酸酯，佢水解得到嘅脂肪酸叫做反式脂肪酸。好多人習慣將反式脂肪酸同反式脂肪混為一談，有啲人會將佢哋叫做逆態脂肪酸。

人造反式脂肪通常係植物油氫化過程中嘅副產品。氫化嘅目的係為咗令啲油可以耐熱啲、無咁易變質，兼可以放耐啲。催化加氫可以將植物油裡面嘅不飽和鍵（碳－碳雙鍵）變成飽和鍵（碳－碳單鍵），而由於氫化過程中催化劑除咗會將不飽和鍵轉變成飽和鍵之外，重有可能改變碳－碳雙鍵嘅構型，即係將少量油脂變成反式脂肪^[1]。有啲品種嘅天然植物油亦會有反式脂肪。

同其他脂肪唔同，反式脂肪對健康無益，又唔係人體所需要嘅營養素^[2]。食咗啲反式脂肪落肚，會提高患冠心病機會^[3]。因為噉，好多國家為咗保障人民健康，都立法管制製造或者入口嘅嘢食入面，唔可以有反式脂肪，好似美國紐約市喺2007年12月就立法管制反式脂肪，佢哋要求所有食肆同快餐店最遲喺2008年7月起，唔再用有反式脂肪嘅食油。新加坡就唔畀小學生飲可樂同食香口膠^[4]。

唔同脂肪（酸）裡面鍵嘅區別
飽和鍵	順式不飽和碳－碳鍵	反式不飽和碳－碳鍵
飽和嘅碳原子（每個碳原子連住 2 個氫原子）以單鍵連接。	不飽和嘅碳原子（每個碳原子連住 1 個氫原子）以雙鍵連接，順式結構。	不飽和嘅碳原子(每個碳原子連住 1 個氫原子)以雙鍵連接，反式結構。

無不飽和碳－碳鍵嘅脂肪（酸）叫飽和脂肪（酸）；有不飽和碳－碳鍵，但係全部都係順式結構嘅，叫順式不飽和脂肪（酸）；有反式不飽和碳－碳鍵嘅，就係通常講嘅反式脂肪（酸）。

有反式脂肪嘅嘢食

• 植物牛油
• 糖果和朱古力條
• 蛋糕、麵包、餅乾
• 薯片
• 曲奇餅
• 非乳製奶精
• 鮮奶油頂料
• 肉醬粉、糕餅粉
• 冰凍炸薯條
• 炸魚片，同埋幾乎所有油炸食物
• 意式薄餅(pizza披薩)
• 人造奶油
• 冬甩
• 爆谷

睇埋

• 脂肪酸

參考

1. 反式脂肪倡強制列明含量
2. Food and nutrition board, institute of medicine of the national academies (2005). Dietary Reference Intakes for Energy, Carbohydrate, Fiber, Fat, Fatty Acids, Cholesterol, Protein, and Amino Acids (Macronutrients). National Academies Press. p. 423. 原著喺2007年6月25號歸檔. 喺2008年3月25號搵到.
3. Food and nutrition board, institute of medicine of the national academies (2005). Dietary Reference Intakes for Energy, Carbohydrate, Fiber, Fat, Fatty Acids, Cholesterol, Protein, and Amino Acids (Macronutrients). National Academies Press. p. 504.{{cite book}}: CS1 maint: url-status (link)
4. 〈食物安全 - 棄用反式脂肪〉。星島通識網。原著喺2008年4月18號歸檔。喺2008年5月3號搵到。

拎

• 马来西亚反逆態脂肪酸协会
• 美國FDA 逆態脂肪酸/氫化脂肪 資料
• 美國食品藥物局要求食品油脂應予標示其所含反型脂肪酸(Trans Fatty Acids)含量的意義
• 民間要求禁逆態脂肪酸/氫化脂肪之訴求
• 醫學：不是每種脂肪都一樣：反式脂肪讓你胖的更快(Jul 13, 2006)（科景）