Tâi-oân Goân-chū-bîn-cho̍k-gí

Tâi-oân Goân-chū-bîn-cho̍k-gí, sī só͘-ū keng-kòe Hêng-chèng-īⁿ hu̍t-tēng ê Tâi-oân goân-chū-bîn-cho̍k só͘ sú-iōng ê kok-chióng gí-giân ê thóng-chheng, kok gí-giân lóng sī Tiong-hôa-bîn-kok ê kok-ka gí-giân, Ji̍t-pún sî-tāi hông hō-chò Takasago-gí (高 (たか)砂 (さご)語 (ご)). Chú-iàu hun-pò͘ tī Tâi-oân kah Âng-thâu-sū nn̄g ê tó-sū téng-koân goân-chū-bîn-cho̍k tòa ê só͘-chai^[1], pau-koat chin chē gí-kûn, bo̍k-chêng keng-kòe Hêng-chèng-īⁿ jīn-tēng ê gí-giân lóng-chóng ū 15 chióng, ē-kha ē-sái koh hun-chò 41 ê hong-giân^{[chù 1]}, kā cho̍k-gí Lô-má-jī tòng-chò chiàⁿ-jī-hoat, chóng sú-iōng jîn-kháu tāi-iok sī 26 bān lâng, chiàm Tiong-hôa-bîn-kok chóng jîn-kháu ê 1.2%.

。2010 nî Tâi-phêⁿ Kim-má chiàu hêng-chèng-khu chò kài-sòaⁿ kì-lio̍k, tī chhù-lāi kóng ê ōe ū pau-koat Tâi-oân Goân-chū-bîn-cho̍k-gí--ê jîn-kháu pí-lē (hâm kóng chē chióng ōe--ê, pí-lūn Amis-gí kiam Hôa-gí).

Tâi-oân Goân-chū-bîn-cho̍k-gí lóng sio̍k-î Lâm-tó gí-hē, hâm Tâi-oân Lâm-tó-gí kah Tao-gí (Tao-gí bô sio̍k-î Tâi-oân Lâm-tó-gí-giân, sī sio̍k-î Má-lâi-Polynesia gí-giân ê "Batanic gí-kûn"). Tâi-oân Lâm-tó-gí àn-chiàu kè-sǹg hong-sek bô-kâng, khó-lêng ū 16 kàu 20 gōa ê gí-chióng, i-hā gí-chióng hun-lūi í "Bîn-cho̍k-gí" chò ki-chhó͘, siâng-sî chham-khó Lí Jîm-kùi (2006) ê hun-lūi^[2], kā Tâi-oân Lâm-tó-gí hun-chò Pak Tâi-oân Lâm-tó-gí-cho̍k, Tiong Tâi-oân Lâm-tó-gí-cho̍k, Lâm Tâi-oân Lâm-tó-gí-cho̍k, kah Tang Tâi-oân Lâm-tó-gí-cho̍k sì ê hun-chi.

Gōa-pō͘ liân-kiat

1. 李壬癸 (2006). "The internal relationships of Formosan languages (臺灣南島語的內部關係)". Goân-pún bāng-ia̍h Pó-chûn tī 2020-05-06. 2019-07-17 khòaⁿ--ê.
2. 李壬癸 (2006). "The internal relationships of Formosan languages (台灣南島語的內部關係)". goân-loē-iông tī 2020-05-06 hőng khó͘-pih. 2019-10-28 khòaⁿ--ê.

1. Chèng-hú kong-kò sī 16 cho̍k-gí 42 hong-giân, tān-sī 16 cho̍k-gí tong-tiong ê Truku-gí kah Seediq-gí Truku hong-giân sī kâng-chi̍t-ê gí-giân, m̄-koh ūi-tio̍h chun-tiōng kok cho̍k-kûn, ū bô-kâng ê miâ, só͘-í sū-si̍t-siōng kan-na ū 15 gí-giân 41 hong-giân