From Wikipedia, the free encyclopedia
EPUB (ing-gú: Electronic Publication (EPUB)) sī tsi̍t-tsióng sú-iōng ".epub" bûn-kiānn khok-tián miâ ê tiān-tsí tshut-pán-bu̍t bûn-kiānn keh-sik. Tsi̍t-ê su̍t-gí sī tian-tsí tshut-pán-bu̍t ê sok-siá, ū-tang-sî-á kiò-tsò ePub. Tsiânn-tsē tiān-tsí ua̍t-to̍k-khì lóng tsi-tshî EPUB, tuā-to-sòo tì-lîng tshiú-kī, pîng-pán tiān-náu kah kè-sǹg-ki lóng ē-tàng sú-iōng kiam-iông ê nńg-thé. EPUB sī iû kok-tsè sòo-jī tshut-pán lūn-tân (IDPF) huat-pòo ê ki-su̍t piau-tsún. EPUB tī 2007-nî 9-gue̍h-á tsiânn-tsò IDPF ê kuan-hong piau-tsún, tshú-tāi kū-ê khai-hòng tiān-tsí-tsheh (OEB) piau-tsún.[2]
Filename extension |
.epub |
---|---|
Internet media type |
application/epub+zip |
Magic number |
PK\x03\x04 (Zip) |
Developed by | International Digital Publishing Forum (IDPF) |
Initial release | 2007 nî 9 goe̍h |
Latest release |
3.2 2019 nî 5 goe̍h 15 ji̍t[1] |
Type of format | e-book file format |
Contained by | OEBPS Container Format (OCF; Zip) |
Extended from | Open eBook, XHTML, CSS, DTBook |
Standard | ISO/IEC TS 30135 |
Open format? | Yes |
Website |
www |
Tôo-su hâng-gia̍p gián-kiù sió-tsoo jīn-khó EPUB 3 tsò pau-tsong luē-iông êsiú-suán keh-sik; pīng-tshiánn piáu-sī tsuân-kiû tôo-su tshut-pán hâng-gia̍p ing-kai se̍h teh tan-it piau-tsún thuân-kiat it-tì.[3] EPUB keh-sik hông si̍t-hiān tsò tsi̍t-ê tsûn-tóng bûn-kiānn; iû gīm-tuà lāi-iông ê XHTML bûn-kiānn í-ki̍p tôo-siōng kah kî-thann tsi-tshî ê bûn-kiānn sóo tsoo-sîng ê. EPUB sī siōng kóng-huàn tsi-tshî ê to̍k-li̍p teh kiong-ìng-siong ê khiā-ttī XML ê tiān-tsí-tsheh keh-sik; iah tio̍h-sī kóng, tsha-put-to sóo-ūê ngē-thé ua̍t-to̍k-khì lóng tsi-tshî EPUB.[4]
Tsò-uî khai-hòng tiān-tsí-tsheh tshut-pán kiat-kòo ê hōo-kè pán-pún, EPUB 2.0 tī 2007-nî 10-gue̍h hi̍k-tik phue-tsún;[5] pīng-tshiánn tī 2010-nî 9-gue̍h hi̍k-tik uî-hōo king-sin (2.0.1).[6]
EPUB 3.0 kui-huān tī 2011-nî 10-gue̍h sing-hāu; iû 2014-nî 6-gue̍h ê tshù-iàu uî-hōo king-sin (3.0.1) tshú-tāi.[7] Sin-ê tsú-iàu kong-lîng pau-kuat tsi-tshî tsing-khak pòo-kio̍k hi̍k-tsiá tsuan-iōng keh-sik (kòo-tīng pòo-kio̍k bûn-tóng-àn); pí-jû báng-gà tsheh,[8] kah MathML ê tsi-tshî. Tong-tsiân ê EPUB pán-pún sī 3.2, tī 2019-nî 5-gue̍h 8-ji̍t sing-hāu.[9] Keh-sik kui-huān (ê bûn-pún) tsìn-hîng tiōng-tsoo[10] kah tshing-lí; keh-sik tsi-tshî uán-tîng thok-kuán tsu-guân kah sin jī-thé keh-sik (WOFF 2.0 hām SFNT)[11]; pīng-tshiánn sú-iōng koh-khah sûn ê HTML kah CSS.[12]
Tī 2016-nî 5-gue̍h, IDPF sîng-guân phue-tsú World Wide Web liân-bîng (W3C) ê ha̍p-pìng,[13] "í uân-tsuân tuì-tsê tshù-pān-gia̍p kah hi̍k-sim Web ki-su̍t".[14]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.