Ìn-tō͘ pak-pō͘ ê pang From Wikipedia, the free encyclopedia
Uttar Pradesh (Hindi-gí: उत्तर प्रदेश, Urdu-gí: اتر پردیش) sī Ìn-tō͘ ê chi̍t-ê pang, siú-hú sī Lucknow, biān-chek 243,286 km²; tāi-iok ū 1.9 ek ê jîn-kháu, sī Ìn-tō͘ jîn-kháu siāng chē ê pang.
Chi̍t-ê só͘-chāi tī 1833 nî í-chêng sī Bengal Koán-khu (Bengal Presidency) ê chi̍t pō͘-hūn, siù Eng-kok Tang Ìn-tō͘ Kong-si ê koán-lí. 1833 nî āu, Bengal Koán-khu hōng hun chò nn̄g-ê pō͘-hūn, kî-tiong chi̍t hūn sì Agra Koán-khu (Presidency of Agra). 1836 nî, Agra Koán-khu kài miâ Sai-pak Séng (North-Western Provinces).
Kàu 1877 nî, Agra kap Oudh ê nn̄g-ê séng soá hō͘ Eng-kok ê si̍t-bîn chèng-hú koán-lí. 1902 nî ê sî-chūn, chi̍t-ê tē-khu koh kái chò Agra kap Oudh Liân-ha̍p Séng (United Provinces of Agra and Oudh). 1921 nî, kài Eng-kok-léng Ìn-tō͘ Liân-ha̍p Séng (United Provinces of British India). Kàu 1935 nî lio̍k chò Liân-ha̍p Séng (United Provinces).
1947 nî Ìn-tō͘ to̍k-li̍p ê sî-chūn, lēng-goā ê Rampur, Banares kap Tehri-Garwal che kúi-ê phoan-ông kok (princely state) lóng ha̍p-ji̍p Liân-ha̍p Séng. 1950 nî kài chò hiān-sî ê miâ Uttar Pradesh. 1999 nî, Himalayan kap Uttaranchal soá-chhut Uttar Pradesh.
Uttar Pradesh kap pún kok ê Uttarakhand, Himachal Pradesh, Haryana, Delhi, Rajasthan, Madhya Pradesh, Chhattisgarh, Jharkhand koh ū Bihar sio-chiap; i-ê pak bīn mā goá lēng-goā ê kok-ka Nepal.
Àn-chiàu tē-hêng, Uttar Pradesh hun nn̄g toā tē-lí-khu, kha toā ê chi̍t pêng sī Hêng-hô Pêng-goân; lēng-goā chi̍t pêng sī Vindhya Soaⁿ-lêng tē-khu.
| Jîn-kháu piàn-hoà[1] | |
|---|---|
| 1951 nî | 60,274,000 |
| 1961 nî | 70,144,000 |
| 1971 nî | 83,849,000 |
| 1981 nî | 105,137,000 |
| 1991 nî | 132,062,000 |
| 2001 nî | 166,198,000 |
Uttar Pradesh ê jîn-kháu tùi 2008 nî 7 goe̍h 1 ji̍t chhiau-koè 1 ek 9000 bān, nā kā chit-ê pang sǹg chò chi̍t-ê kok-ka, i-ê jîn-kháu tī sè-kài koh kok pâi tē-15 miâ. Kun-kù 2001 nî ê tiāu-cha, 80% ê Uttar Pradesh ki-bîn sī Ìn-tō͘-kàu-tô͘, 18% sī I-su-lân-kàu-tô͘; kî-tha sī Sikkh-kàu, Hu̍t-kàu, Ki-tok-kàu kap Jaina-kàu.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
