![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/43/%25E6%25A9%258B%25E9%25A0%25AD%25E7%25B3%2596%25E5%25BB%25A0%25E7%25A4%25BE%25E5%25AE%2585%25E4%25BA%258B%25E5%258B%2599%25E6%2589%2580.jpg/640px-%25E6%25A9%258B%25E9%25A0%25AD%25E7%25B3%2596%25E5%25BB%25A0%25E7%25A4%25BE%25E5%25AE%2585%25E4%25BA%258B%25E5%258B%2599%25E6%2589%2580.jpg&w=640&q=50)
Tâi-oân Chè-thn̂g
From Wikipedia, the free encyclopedia
Tâi-oân Chè-thn̂g Tu-sek Hōe-siā (臺灣製糖株式會社), kán-chheng Tâi-thn̂g (臺糖), sī Tâi-oân Ji̍t-pún sî-tāi iû Sam-chéⁿ Châi-hoa̍t chhòng-li̍p ê chè-thn̂g hōe-siā; kai hōe-siā kiàn-chō liáu Tâi-oân tē-it chō sin-sek thn̂g-chhiúⁿ Kiô-á-thâu Kang-tiûⁿ, ē-tàng kóng sī Tâi-oân sin-sek chè-thn̂g ê sí-chó͘. I kî-hā ê A-kâu Kang-tiûⁿ bat in-ūi ko sán-lêng pī hō-chò "Tâi-oân chè-thn̂g ê Sin-ko-san", pēng tī Ji̍t-pún sî-tāi bóe-kî chiáng-ak Chan-bûn-khe í lâm ê só͘-ū chè-thn̂g-só͘ kap goân-liāu khu. Chiàn-āu, Tâi-oân Chè-thn̂g tī Tâi-oân ê chu-sán hām Tāi Ji̍t-pún Chè-thn̂g, Bêng-tī Chè-thn̂g, Kiâm-chui-káng Chè-thn̂g ê chāi Tâi chu-sán lóng-chóng pèng-ji̍p Tâi-oân Thn̂g-gia̍p Kong-si; ah tī Ji̍t-pún lāi-tē ê chu-sán iû Tâi-thn̂g Tu-sek Hōe-siā (台糖株式會社) kè-sêng, ti̍t-kàu 2005 nî 4 goe̍h hām Sin Sam-chéⁿ Chè-thn̂g Tu-sek Hōe-siā kap Tu-sek Hōe-siā KS ha̍p-pèng sêng-li̍p Sam-chéⁿ Chè-thn̂g.
![Thumb image](http://upload.wikimedia.org/wikipedia/commons/thumb/4/43/%E6%A9%8B%E9%A0%AD%E7%B3%96%E5%BB%A0%E7%A4%BE%E5%AE%85%E4%BA%8B%E5%8B%99%E6%89%80.jpg/640px-%E6%A9%8B%E9%A0%AD%E7%B3%96%E5%BB%A0%E7%A4%BE%E5%AE%85%E4%BA%8B%E5%8B%99%E6%89%80.jpg)