Tâi-oân-séng
Tâi-oân ê séng, chit-má í-keng cheng-séng bô si̍t-chè pian-chè / From Wikipedia, the free encyclopedia
Tâi-oân-séng sī Tiong-hoâ Bîn-kok siat ê séng-kip hêng-chèng tan-ūi.
這篇文章有漢字兮版本。 參考這篇文章兮漢字版本。 |
Chheng-kok tī 1887 nî sêng-li̍p chit séng (Chheng-kok kā hō-chò "Hok-kiàn Tâi-oân-séng"), séng-hōe goân-pún beh khí tī Chiong-hòa ê Kiô-á-thâu, m̄-koh 1892 nî tio̍h chiām-thêng bô koh khí ah, 1894 nî kā séng-hōe sóa-khì Tâi-pak. 1895 nî hō͘ Tāi Ji̍t-pún Tè-kok hùi-tiāu. Chìn-chêng sio̍k Hok-kiàn-séng koán-hat. Ji̍t-pún chiàn-pāi liáu-āu, koh 1 pái iû Tiong-hoâ Bîn-kok kiàn-séng, séng-hōe tī Tâi-pak. 1956 nî, in-ūi kiaⁿ Tiong-kiōng hong-chà Tâi-pak hō͘ Tâi-oân ê chèng-hú bē-sái tín-tāng, sûi kā séng-hōe sóa-khì Lâm-tâu-koān ê Tiong-heng Sin-chhun.
Tiong-hoâ Jîn-bîn Kiōng-hô-kok kóng i kā-kī tùi Tâi-oân ū chú-khoân, ū siat kāng-miâ ê séng, m̄-kò bô si̍t-chè thóng-tī.
Choè-āu chi̍t jîm séng-chú-se̍k sī Ngô͘ Te̍k-sêng, i ê jîm-ki tī 2018 nî kiat-sok, uì hit ê sî-chūn khai-sí, Tâi-oân tio̍h bô séng-chú-se̍k chit-ê chit-uī --ah.