![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/33/TW_PHW2.svg/langzh-min-nan-640px-TW_PHW2.svg.png&w=640&q=50)
Tâi-2-sòaⁿ
From Wikipedia, the free encyclopedia
Tâi-2-sòaⁿ (Hàn-jī: 台2線) sī Tâi-oân ê chi̍t tiâu séng-tō, sī pin-hái kong-lō͘ hē-thóng ê chi̍t pō͘-hūn, kan-sòaⁿ chhǹg-kòe Ke-lâng Pak-hái-hōaⁿ tē-khu, sai-pêng tùi Sin-pak-chhī Tām-chúi-khu Tek-ûi ê Kan-tāu Tōa-kiô (mā sī Tâi-15-sòaⁿ khí-tiám), tang-pêng kàu Gî-lân-koān So͘-ò-tìn (chiap Tâi-9-sòaⁿ So͘-hoa-kái khí-tiám), choân-tn̂g 167.674 km. Kî-tiong Tām-chúi kàu Kim-san lō͘-tōaⁿ hō-chò Tām-kim Kong-lō͘ (淡金公路), Kim-san kàu Ke-lâng lō͘-tōaⁿ sī Ki-kim-kong-lō͘ (基金公路), chit nn̄g-ê le̍k-sú kú-tn̂g, lóng sī Pak-hái-hōaⁿ kok khu ê tiōng-iàu liân-lo̍k tō-lō͘. Ke-lâng kàu So͘-ò lō͘-tōaⁿ sī Pak-pō͘ Pin-hái Kong-lō͘ (北部濱海公路), sī Tâi-pak to͘-hōe-khu kap Gî-lân chi-kan ê 3 tiâu kau-thong iàu-tō chi-it, kî-thaⁿ nn̄g tiâu sī Kok-tō 5 Hō kap Tâi-9-sòaⁿ Pak-gî Kong-lō͘.
![](http://upload.wikimedia.org/wikipedia/commons/thumb/3/33/TW_PHW2.svg/200px-TW_PHW2.svg.png)
Tâi-2-sòaⁿ koh ū 7 tiâu chi-sòaⁿ, sī choân Tâi-oân siōng chē ·ê.