![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/c9/20171029_Sanchong_skyline.jpg/640px-20171029_Sanchong_skyline.jpg&w=640&q=50)
Sam-tiông-khu
From Wikipedia, the free encyclopedia
Sam-tiông-khu (Eng-gí: Sanchong District), Kū-chheng “Soaⁿ-lêng-po͘”,[1] “Saⁿ-têng-po͘”, ūi Tâi-oân Sin-pak-chhī ē hat ê chi̍t-ê hêng-chèng-khu, kap Tâi-pak-chhī kan-na keh chit-tiâu hô, ūi-tī Tâi-pak Phûn-tē chú-iàu pak-tē ê toing-sim ūi-tì, sio̍k-tī Tâi-pak To-hōe-khu lāi-khoân ê ōe-chhiⁿ siâⁿ-chhī chi-it.
Sam-tiông-khu 三重區 |
|||
![]() Tùi Tōa-tiū-tiâⁿ khòaⁿ Sam-tiông-khu
|
|||
|
|||
![]() |
|||
Keng-hūi-tō͘: 25°03′41″N 121°29′40″E | |||
Kok-ka | ![]() | ||
---|---|---|---|
Ti̍t-hat-chhī | Sin-pak-chhī | ||
Chèng-hú | |||
- Khu-tiúⁿ | Tân Kî-chèng (陳奇正) | ||
Bīn-chek | |||
- Lóng-chóng | 16.317 km2 | ||
Jîn-kháu (2022-nî 2-goe̍h) | |||
- Lóng-chóng | 380,748 lâng | ||
- Bi̍t-tō͘ | 23,334.44/km2 | ||
- Hō͘-kháu | 380,748 | ||
Sî-khu | Kok-ka Phiau-chún Sî-kan (UTC+8) | ||
Iû-piān hō-bé | 241 | ||
Bāng-chām | https://www.sanchong.ntpc.gov.tw/ |
In-ūi chiap-kīn Tâi-pak-chhī, khip-ín tōa-liōng ê jîn-kháu tēng-ki tī Sam-tiông-khu, hoat-tián chiâⁿ chá, kái-chè chêng ê Sam-tiông-chhī sī Tâi-pak-koān ê tē-it-ê koān-hat-chhī, kòe-chōe ê jîn-kháu ka-siōng khah-chá ê hoat-tián, tì-kàu siâⁿ-chhī thó͘-tē sú-iōng kè-tō͘ pa-kek. Chū-chiông seng-keh Sin-pak-chhī Sam-tiông-khu í-lâi, Sam-tiông hoat-tián ê bo̍k-phiau, í chhiok-chìn kong-kiōng-siat-si ho̍k-bū ûi chú, pí-jū oân-siān ūn-tōng-tiong-sim siat-si, hoat-tián tōa-hêng to-hōe-kong-hn̂g, thêng-chhia-tiûⁿ kiàn-siat, í-kip kiô-niû ê siu-siān bí-hòa. Sam-tiông thàu-kòe Tiong-hàu-kiô, Tiong-heng-kiô, kap Tâi-pak Se-khu ê Tâi-pak Chhia-chām、Tâi-pak Siang-chú-chhiⁿ Tōa-lâu、Pak-mn̂g Kóng-tiûⁿ、Se-mn̂g-teng téng tōe saⁿ-óa, tī Tâi-pak-chhī phah-piàⁿ thui-tōng ”Se-khu Mn̂g-hō͘ Kè-ōe”, Chia̍t-ūn Ki-tiûⁿ-sòaⁿ téng Kok-chè kang-têng si̍t-si, hō͘ Sam-tiôn-khu ūi-tī Se-khu mn̂g-hō͘ thong-tō tē-it-sòaⁿ siâⁿ-chhī. Lēng-gōa Sin-pak-chhī Chèng-hú in-ūi chō͘-chit ná tōa, pō͘-hūn kiok-chhù hun-sòaⁿ, kè-ōe tī khu lāi ê Jī-tiông-tōe-khu kiàn-siat tē-jī hêng-chèng-tiong-sim. Sam-tiông ê toing-iàu-sèng taⁿ ta̍uh-ta̍uh-á thê-seng.