From Wikipedia, the free encyclopedia
Ké-khó·-koe (Hàn-jī: 假苦瓜; Hôa-gí: 倒地鈴; Eng-gí: balloon vine; ha̍k-miâ: Cardiospermum halicacabum) kui-sio̍k-î bû-hoān-chú-kho (Sapindaceae), sī to-nî-seng phih-phak-sèng he̍k-chiá phan-iân-sèng chháu-chit tîn-pún si̍t-bu̍t. Tī Tâi-oân i hun-pò· tī pêⁿ-tē kàu kē hái-poa̍t soaⁿ-khu, pak-pō· khah-chió khòaⁿ-kìⁿ. Phan-iân he̍k phih-phak seⁿ tī lō·-piⁿ, pha-hng-tē, chhiū-nâ piⁿ--á, he̍k ûi-chhiûⁿ-á. Kui-nî-thàu-tang lóng-ū khui-hoe. Kah-ì seng-tióng tiàm kui-kang ū ji̍t-thâu pha̍k ê só·-chāi.
| ?Ké-khó͘-koe | ||||||||||||||
|---|---|---|---|---|---|---|---|---|---|---|---|---|---|---|
 | ||||||||||||||
| Ké-khó͘-koe | ||||||||||||||
| Seng-bu̍t-ha̍k hun-lūi | ||||||||||||||
| ||||||||||||||
| Ha̍k-miâ | ||||||||||||||
| Cardiospermum halicacabum L. | ||||||||||||||
Keng iù-iù-iù tn̂g-tn̂g-tn̂g ū kńg-chhiu.
Hio̍h-á sī 2-hôe 3-chhut ho̍k-hio̍h; hio̍h-á hun-lia̍t chò 3-ê kiò-chò sió-hio̍h, sió-hio̍h sī ke-nn̄g-hêng he̍k phi-chiam-hêng, ū koh chhim, koh chho· ê kì-á khí ê pian-iân.
Hoe ê pâi-lia̍t hêng-thāi sī chū-sàn-hoe-sū (聚散花序), ùi hio̍h-á hio̍h-pìⁿ ê kòe-hīⁿ-khang hia seⁿ--chhut-lâi; hoe-pān 4 hio̍h, pe̍h-sek; hoe ê ti̍t-kèng siāng-tōa ē-sái kàu 6 mm.
Kóe-chí sī sok-kó (蒴果), seⁿ-chò ke-nn̄g-hêng, ū 3 chōa lêng-kak, lāi-té khang-khang ná ke-kui. Chéng-chí sī o·-sek--ê, ū 1-jia̍h pe̍h-sek sim-hêng ê pan.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
