Hú-siâⁿ Sam-kau
From Wikipedia, the free encyclopedia
Hú-siâⁿ Sam-kau (府城三郊) sī 1720 nî-tāi chêng-āu sêng-li̍p ê Tâi-oân Chheng-tiâu thóng-tī sî-tāi Tâi-lâm tē-khu ê siong-gia̍p kong-hōe cho͘-chit. Kā An-pêng-káng kap Tâi-kang tòng-chò keng-siong kin-kì-tē ê saⁿ ê kau-siong hun-pia̍t sī pak-kau So͘-bān-lī, lâm-kau Kim-éng-sūn kap thn̂g-kau Lí-sèng-heng.
![Thumb image](http://upload.wikimedia.org/wikipedia/commons/thumb/3/3f/1600_drawing_of_Dutch_ships_in_Taiwan.jpg/320px-1600_drawing_of_Dutch_ships_in_Taiwan.jpg)
Tī keng-chè-siōng, chit saⁿ keng kau-siong ē ha̍p-chok mā ē kēng-cheng, pēng-chhiáⁿ sī tī Tâi-oân siā-hōe siōng tû-liáu tē-chú í-goā ê lēng-goā chi̍t chióng toā-hêng bîn-kan le̍k-liōng. Sū-si̍t-siōng, che lóng-chóng pah-goā keng lâi-óng Tn̂g-soaⁿ kap Tâi-oân ê siong-hō só͘ cho͘-sêng ê Sam-kau, m̄-nā sūn-soà tài-tōng liáu Tâi-lâm tē-khu ê siong-gia̍p hoat-tián, mā hō͘ Tâi-lâm-hú-siâⁿ î-chhî liáu chiâⁿ kú ê Tâi-oân siú-hú ê tē-ūi. Só͘-í chiah ē chhut-hiān it Hú jī Lo̍k saⁿ Báng-kah ê sio̍k-gí.