![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/c8/Celular_samsung.jpg/640px-Celular_samsung.jpg&w=640&q=50)
Hêng-tōng tiān-ōe
From Wikipedia, the free encyclopedia
Hêng-tōng tiān-oē (ta-ko-tah, chhiú-ki, chhiú-ōa) sī 1 khoán tiān-chú thong-sìn ho̍k-bū, kong-lêng chhin-chhiūⁿ thôan-thóng kò·-tēng sòaⁿ-lō· ê tiān-ōe, cheng-chha tiān-ōe ki-á ē-tit chah leh kiâⁿ, m̄-bián chiap tiān-ōe sòaⁿ. Hêng-tōng tiān-oē ê ke-si hō-chò chhiú-ki (kán-chheng "ki-á"). Chhiú-ki iōng bû-sòaⁿ tiān-pho hām tiān-ōe bāng-lō· chih-chiap.
![Thumb image](http://upload.wikimedia.org/wikipedia/commons/thumb/c/c8/Celular_samsung.jpg/640px-Celular_samsung.jpg)
Chhiú-ki tû-liáu it-poaⁿ tiān-ōe ê gí-im kong-lêng í-gōa, mā ū hoat-tō· chi-ōan kî-thaⁿ ê ho̍k-bū, khó-pí kóng SMS (kán-sìn), MMS (thôan tô·, iáⁿ-phìⁿ), packet switching (chiūⁿ Internet).
Lēng-gōa ū-kóa thong-sìn hē-thóng chhin-chhiūⁿ hêng-tōng tiān-oē, chóng--sī bô kāng-khóan, khó-pí kóng ōe-chheⁿ tiān-ōe kap Professional Mobile Radio. Chhiú-ki kap bû-sòaⁿ tiān-ōe mā bô kâng, hiō-chiá kan-taⁿ ē-tàng tī kīn kò·-tēng ki-tē-tâi (base station) ê kī-lî í-lāi sú-iōng (chhiáⁿ chham-khó PHS).