![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/fe/Blausen_0077_Basophil_%2528crop%2529.png/640px-Blausen_0077_Basophil_%2528crop%2529.png&w=640&q=50)
Basophil
From Wikipedia, the free encyclopedia
Basophil (hàn-gú: 嗜鹼性粒細胞; Sī kinn-sìng lia̍p sè-pau; Sī kiⁿ-sèng lia̍p sè-pau; ing-gú: Basophils) sī pe̍h sè-pau ê tsi̍t-tsióng. Sī kinn-sìng lia̍p sè-pau sī siōng bô tiānn-tiānn khuànn-tio̍h ê lia̍p sè-pau luī-hîng, tāi-iok tsiàm sûn-huân pe̍h sè-pau ê 0.5% tsì 1%.[1] M̄-ko, in sī siōng-tūa ê lia̍p sè-pau luī-hîng. In hū-tsik bián-i̍k huán-ìng kuè-tîng tiong ê iām-tsìng huán-ìng; í-ki̍p kip-sìng hām bān-sìng kuè-bín sìng pēnn-tsìng ê tsiânn-tsò; pau-kuat kuè-bín huán-ìng, he-ku, ti̍k ing-sìng phuê-iām kah hue-hún tsìng.[2] Sī kinn-sìng lia̍p sè-pau koh sán-sing hia̍p-tiāu bián-i̍k huán-ìng ê hua-ha̍p-bu̍t; pau-kuat ín-khí iām-tsìng ê tsoo-an hiat-tshing sòo; í-ki̍p hông-tsí hiat-i̍k gîng-kòo ê kuann-sòo (肝素),[3] sui-bóng hâm-liōng pí puî-tuā sè-pau lia̍p tang-tiong ê hâm-liōng khah-tsió.[4] Puî-tāi sè-pau pat hông jīn-uî sī uì hiat-i̍k tshian-î kàu i-ê tsù-liû tsoo-tsit (kiat-tè tsoo-tsit (結締組織)) ê Sī kinn-sìng lia̍p sè-pau; m̄-ko hiān-tsāi í-king tsai á in sī bô kâng luī-hîng ê sè-pau.[5]
Basophil (Sī kinn-sìng lia̍p sè-pau) | |
---|---|
![]() Basophil ê 3D suan-jiám tôo | |
Âng sè-pau tang-tiong ní-sik ê basophil | |
Siông-sè | |
System | Bián-i̍k hē-thóng |
Sek-pia̍t hû-hō | |
TH | H2.00.04.1.02022 |
FMA | 62862 |
Sī kinn-sìng lia̍p sè-pau sī-iû Tik-kok i-sing Paul Ehrlich tī 1879-nî huat-hiān ê, 1-nî tsîng Paul Ehrlich teh tsoo-tsit tang-tiong huat-hiān tsi̍t-tsióng sè-pau luī-hîng, Paul Ehrlich kā i kiò-tsò Mastzellen (tsit-má ê puî-tāi sè-pau).[6] Ehrlich in-uī i-ê huat-hiān jî-lâi hi̍k-tik 1908-nî Nobel sing-lí tsióng hi̍k-tsiá i-ha̍k tsióng.
Sī kinn-sìng lia̍p sè-pau tsit-ê bîng-tshing guân-î tsia--ê sè-pau sī sī kinn-sìng ê,; tio̍h-sī in tsiânn iông-ī hōo kinn-sìng ní-liāu ní-sik, jû tôo sóo piáu-sī.