From Wikipedia, the free encyclopedia
A-Lin (1983 nî 9 goe̍h 20 ji̍t chhut-sì ), pún-miâ N̂g Lē-lêng (黃麗玲), sī chi̍t ūi Ko-hiông Lêng-ngá chhut-sin ê Tâi-tang A-bí-cho̍k cha-bó͘ koa-chhiú. I ê chhiùⁿ-koa ū-la̍t, sī Tâi-oân chhut-miâ ê si̍t-le̍k-phài koa-chhiú, bat chē-chē pái ji̍p-ûi Tâi-oân Kim Khek Chióng, iā to-chhù siū-iau tī tiōng-iàu pan-chióng tián-lé téng hiàn-chhiùⁿ.
1999 nî, A-Lin tī Lâm-tâu kà 921 tē-tāng siū-chai jî-tông gîm-chhiùⁿ sèng-si Amazing Grace ê sî pī i-ê chêng keng-kí-jîn Jason hoat-ku̍t.[1] 4 tang āu, siang-hong chài-chhù tī A-Lin ê chū-chhiùⁿ chiú-pa EZ5 phòng-bīn, tī 2005 nî 4 go̍eh 15 hō chèng-sek chhiam-iok, ha̍p-iok lōe-iông sī 10 nî 9 tiuⁿ im-ga̍k chok-phín.[1]
2006 nî 2 goe̍h 10 hō, i hoat-hêng kò-jîn tē-it tiuⁿ choan-chi̍p Sit-loân Bô-chōe,[2] tit-tio̍h liáu "Thian-seng Ko-ki" (天生歌姬) ê miâ-hō.[1] Kāng-nî, i tī Tiuⁿ Hūi-mōe chú-tōng iau-iok hā chham-ú i chè-chok ê Ài-siōng Khah-bûn (愛上卡門) im-ga̍k-kio̍k, ián tē-jī lí-chú-kak, chhái-pâi pòaⁿ-nî āu tī nî-bóe tī Tâi-pak Sió Kī-tàn ián-chhut 2 tiûⁿ.[3]
2007 nî 5 goe̍h, A-Lin í kò-jîn tē-it tiuⁿ choan-chi̍p Sit-loân Bô-chōe tē-it pái ji̍p-ûi Kim Khek Chióng Chòe-ka Sin-jîn Chióng.[1] Kāng-nî 6 goe̍h, Avex Taiwan hoat-hêng liáu A-Lin ê tē-it tiuⁿ EP choan-chi̍p Ài Chhiáⁿ-mn̄g Chím-mô͘ Cháu.[4] In-ūi kiat-hun seⁿ-kiáⁿ téng goân-in, A-Lin lo̍h-bóe tō it-ti̍t bô thui-chhut choan-chi̍p.
2008 nî 12 goe̍h, Avex Taiwan hoat-hêng liáu A-Lin ê tē-jī tiuⁿ choan-chi̍p Thian-seng Ko-ki;[2] i iā chioh chit-tiuⁿ choan-chi̍p tē-it pái ji̍p-ûi Kim Khek Chióng Chòe-ka Kok-gí Lú Koa-chhiú Chióng.[1]
Sūn-sī | Miâ | Hoat-hêng sî-kan | Hoat-hêng kong-si | Khiok-bo̍k |
---|---|---|---|---|
1 | Sit-loân Bô-chōe (失戀無罪) |
2006-02-10 | Avex Taiwan |
khiok-bo̍k
|
2 | Thian-seng Ko-ki (天生歌姬) |
2008-08-15 | Avex Taiwan |
khiok-bo̍k
|
3 | Í-chêng Í-āu (以前以後) |
2009-12-28 | Avex Taiwan |
khiok-bo̍k
|
4 | Che̍k-bo̍k put Thòng (寂寞不痛) |
2010-12-24 | Avex Taiwan |
khiok-bo̍k
|
5 | Ngó͘-bûn hōe Kèng-hó͘ⁿ--tek (我們會更好的) |
2011-11-18 | Avex Taiwan |
khiok-bo̍k
|
6 | Hēng-hok liáu, Jiân-āu nih (幸福了 然後呢) |
2012-12-30 | Avex Taiwan |
khiok-bo̍k
|
7 | Chōe-ok-kám (罪惡感) |
2014-12-30 | Sony Music Taiwan |
khiok-bo̍k
|
8 | A-Lin | 2017-09-20 | Sony Music Taiwan |
khiok-bo̍k
|
Nî-hūn | Kài | Kiat-kó | Chióng-hāng | Ji̍p-ûi-chiá | Choan-chi̍p | Chhiùⁿ-phìn kong-si |
---|---|---|---|---|---|---|
2007 nî | Te-18 kài Kim Khek Chióng | Thê-miâ | Chòe-ka Sin-jîn Chióng | A-Lin | Sit-loân Bô-chōe | Avex Taiwan |
2009 nî | Te-20 kài Kim Khek Chióng | Thê-miâ | Chòe-ka Kok-gí Lú Koa-chhiú Chióng | A-Lin | Thian-seng Ko-ki | Avex Taiwan |
2011 nî | Te-22 kài Kim Khek Chióng | Thê-miâ | Chòe-ka Kok-gí Lú Koa-chhiú Chióng | A-Lin | Che̍k-bo̍k Put Thòng | Avex Taiwan |
2012 nî | Te-23 kài Kim Khek Chióng | Thê-miâ | Chòe-ka Kok-gí Lú Koa-chhiú Chióng | A-Lin | Ngó͘-bûn Hōe Kèng-hó͘ⁿ-tek | Avex Taiwan |
2015 nî | Te-26 kài Kim Khek Chióng | Thê-miâ | Chòe-ka Kok-gí Lú Koa-chhiú Chióng | A-Lin | Chōe-ok-kám | Sony Music Taiwan |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.