From Wikipedia, the free encyclopedia
Zuuszande of Susande (Nederlands: Zuidzande) is 'n durp in de gemeênte Sluus. Het durpje ao mao 465 inweuners in 2023.
Toet an 1970 was Zuuszande een eige gemeênte. In dat jaor wier het bie Wosburg 'evoegd. Nao 2003 'oort 't durp bie de groôte gemeênte Sluus.
Het is allang geleeë, misschien wè veêrtig jaer, toen weunden d'r in Zuudzande een schatriek boerenpaer. Ze zate even buten 't durp op een eêle moaie stee. De baes die eêtten Wannes en de vrouwe eêtten Kee. De oudste zeune was veeas en dochter Mina was 'etrouwd, dan ao ze nog twî jongers, d'n oudsten Kees, de jongsten Boud. (Boud zal de ouderlijke boerderij krijgen en voor Kees moet dan een andere hofstee worden gekocht. Maar vader maakt geen haast, tegen de zin van moeder Kee, die wil dat Kees trouwt.)
Mae ienkele daegen laeter toen stoeng 'r in de krante een groate advertentie mie een dikke vette rand. Er wordt een boerderij verkocht met zoveel bunders land.'Dat is noe wat voe Kees', zei Kee, 'oans bin ier d'eêste klant. Een prachtig spul en dichtebie an de Meuldiek in Schoandieke. Zet de klipper voe de tilberie, dan gae me saemen kieke.'
Ze keke ulder ôôgen uut, wat een prachtige gebouwen en aol goed in de verve en teer, aolles goed onder'ouwe. En aol de grond die lag rondom, beter ka j't nie treffe. 'Da's verkocht', zei Kee, mae Wannes stoeng 'r neffen, en zei 'och mens oe mô 'k dat noe versiere, die gae tachtigduzend koste, da 's ommers vee te diere!' 'Tachtig? Da 's te doen', zei Kee en keek ietwat op z'n neer. 'A jie nie ôôger durft te bieën, dan gae 'k toet 'onderd of nog meêr.'
Wannes boo en Sjaak en Jules, het liep zôô a in de tachtig. Op zesentachtig stopt'n Wannes, voe um wier het te machtig. Mae toen sprong Kee d'r bovenop, wat docht die concurrent? De zaal keek 'r verbaesd van op, dat was gin mens gewend. Een wuuf dat a an 't bieën gaèt, fluusterden ze verwonderd. Kee trok zich d'r niks van an en ze boo deur toet onderd.
De bode riep toen 'niemand meer, derde werf verkocht, de boerderieë mie aol het land is voe Cornelia Verbocht.' Toen vroeg'n of Kee burgen ao en mie een roaie kop greep Kee naè de klepkurve en stak die zichtbaer op. 'Ik è ze glieke mee'ebrocht a 'k het zôô zegge mag', en z'aelden uut de kurve een ouwe kouse voe d'n dag vol'epropt mie briefjes en toen z'an 't tellen sloeg, zei de notaris even laeter ' het zijn er niet genoeg. Ik kom tot zesennegentig, dus ik mis er vier.' Kee wier as des duvels en zei 'Wannes kom es ier! Joe stommenond, onnoazelen, joe misselijk gedrocht, joe levensgroate sufferd, j'ei de verkeêrde kouse mee'ebrocht.
| Gemeênte Sluus |  |
|---|---|
|
Steden: Erreburg · Iezendieke · Sluus (plekke) · Sint Anna ter Mu · Wòstburg Durpen: Bresjes · De Groe · Djì · Dwòfdplaote · 't Kerkje · Kezand · Pieremie · Sinte Pier · Slikplaote · Sinte Kruus · Schwòndieke · Truzement · Zuuszande Gehuchten: Boer'nol · Drooiplotte · Eile · Nummer Jin · Rwòienoek · Sasput · Scherrebier · Stroopuut · Rostie · Turkieje · Vuulpanne · Wòstburgse brugge |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
