From Wikipedia, the free encyclopedia
Kapelle, òk we Kapel'n ('t klienkt int Zeêuws as Kapaelle, mee een lange 'ae'), (Nederlands: Kapelle) is 'n gemeênte en groôt durp in Zeêland, op 't eiland Zuud-Beveland, tussen Goes en Reimerswaol in. De gemeênte beslaet 'n oppervlak van onheveer 50 km2 en ao in 2024 onheveer 13.000 inweuners, daevan d'r onheveer 9.400 (in 2023) in of roend 't durp zelf weunden. Nessens de oôdplaese leie in de gemeênte nog de durpen Biezelehe, Schore en Weumelinge en de buurschap Eversdiek. De gemeênte Kapelle grenst zoôwel an de Schelde as an de Onte.
| ||||
Indeling | ||||
Land | Nederland | |||
Provincie | Zeêland | |||
Waeterschap | Scheldestroômen | |||
Streêk(en) | Zuud-Beveland | |||
Oôdplekke | Kapelle | |||
Statistiek | ||||
Oppervlakte | 49,63 km² | |||
- land |
37,13 km² | |||
- waeter |
12,49 km² | |||
Inweuners | 13.009 | |||
Daotum | 1 jannewari 2024 | |||
Bevolkiengsdichteid | 350 inw./km² (land) | |||
Geografische liggieng | ||||
Hoôgte | -1,5 — +0,9 m | |||
Ontstaen | ||||
Belangrieke verkeersaders | A58, N289, N666, N670, N671 | |||
Netnummer | 0113 | |||
Postcodes | 4421–4482 | |||
Bestuur | ||||
Collegepartijen | VVD, SGP, CDA, PvdA | |||
- zeêtels | 10 | |||
Burhemeêster | Constantijn Jansen op de Haar | |||
- waernemend | neê | |||
- partij | PvdA | |||
Overige | ||||
Bienaem | ||||
Streektaele(n) | Zuud-Bevelands | |||
Steêband | ||||
Gemeêntelike website | www.kapelle.nl |
't Durp ei 'n klein antal functies, daeronder op sportgebied, die van belang vo de gemeênte bin. Ondanks dat de stad Goes zoô kortbie leit ka je zeie dat de gemeênte nog best zelfverzurgend is. Bie Kapelle leit 'n groôt industrieterrein daer-an onder meêr groenten uut eêl de regio verandeld ore. Bie Biezelehe staet 'n conservefabriek. Aol die industrieën draoie op de tuunbouw, die-a ier te plaese vee vokomt. D'r is zelfs een museum over de tuunbouw, 't Fruitteeltmuseum.
Kapelle oort gedomineerd deu de groôten toren bie de veertiende-eêuwse durpskerke, mee middeschip en noôrdkoôr uut de vuuftiende eêuw. Kapelle en Biezelinge zien glad elemaele anmekaore gegroeid; de eênige scheiing oort uutgemaekt door de spoorlien van Vlissienge nae Bergen, ok wè de Zeêuwse lijn henoemd. Juust buten 't durp leit d'r 'n Franse begraefplaese, daer-an de Franse soldaeten leie die-an bie d'n Duutsen inval in 1940 gesturven bin.
De gemeênteraod sinds 1990:[1]
Ambtsperiode | Naem burgemeêster | Partij of stroôming | Biezonderheên |
---|---|---|---|
1811 - 1823 | Jacob Rottier | ||
1829 - 1872 | Jan van Duine | ||
1873 - 1919 | P.J. van der Mandere | ||
1919 - 1945 | Willem Bierens | ARP | |
1946 - 1978 | Hubertus Gerard van Suijlekom | CHU | |
1979 - 1986 | Gerrit Huitsing | ARP / CDA | |
1986 - 1995 | Jan van Bommel | CDA | |
1995 - 2002 | Gert de Groot | CDA | |
2002 - 2010 | Siebe Kramer | VVD | |
2011 - 2017 | Anton Stapelkamp | CDA / CU | |
2018 - 2020 | Huub Hieltjes | VVD | waernemend |
2020 - 2022 | Fons Naterop | CDA | waernemend |
2022 - noe | Constantijn Jansen op de Haar | PvdA | |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.