![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/87/Map_NL_Dongeradiel_Eanjum.png/640px-Map_NL_Dongeradiel_Eanjum.png&w=640&q=50)
Anjum
From Wikipedia, the free encyclopedia
Anjum (Fries: Eanjum) is 'n durp in de gemeênte Noôrdoôst-Friesland (vooheen Dongeradeel), provincie Friesland. Anjum leit op ongeveer 2,5 km van de voormaelige Lauwerszeê en 12 km van het stadje Dokkum. Nae verluud is het durp al zo'n duuzend jaer oud. Anjum telt een kleine 1.200 inweuners (2022). In de jaeren vuuftig weunden d'r nog ruum vuuftien'onderd man.
![Thumb image](http://upload.wikimedia.org/wikipedia/commons/thumb/8/87/Map_NL_Dongeradiel_Eanjum.png/640px-Map_NL_Dongeradiel_Eanjum.png)
![Thumb image](http://upload.wikimedia.org/wikipedia/commons/thumb/2/29/Eanjum_okt2005.jpg/640px-Eanjum_okt2005.jpg)
Anjum was van 1913 tot an 1935 eindpunt van het Dokkummer lokaeltsje, de spoorlijn die het durp mie Leêuwarden verbong. Het ouwe stationsgebouw stit er nog steeds. In 1997, toe het as pension in gebruuk was, wiere er deu de uutbaetster divan tweê moorden gepleegd. De 'istoricus Han Israëls schreef dirover het boek Moord in Anjum.
Bij Oostmahorn leit het vakantiedurpje Esonstad. Esonstad is een quasi-'istorisch stadje, dat tussen 2004 en 2007 wier gebouwd. De naem is ontleend an een nederzetting mie de naem Ezonstad, die in de vroehe middeleeuwen op onheveer dezelfde plek zou 'ebben gelegen.[1]