א בשז יאָר איז איינע פון די פערצן סארטן יארן אינעם יידישן קאלענדאר. א יאר פון סארט בשז הייבט אן מאנטיג (ב, דער צווייטער טאג פון דער וואך), איז "שלם" (ש) דאס הייסט סיי חשוון סיי כסלו האבן 30 טעג, און פסח געפאלט שבת (ז). א יאר פון סארט בשז איז אן עיבור יאר (מיט צוויי אדרים) און איז לאנג 385 טעג, מיט 55 שבתים. דאס יאר פאר א בשז יאר איז שטענדיג א הכז יאר.
א בשז יאר פאסירט אין 4.7% פון אלע יארן, ווען דער מולד פון תשרי געפאלט צווישן יום א' שעה 20 מיט 491 חלקים (אומגעפער 14:27:17 אויפן ירושלים לאקאלן זייגער[1]) און יום ב' שעה 18 (12:00 מיטאג).[2] לעצטנס האט פאסירט א בשז יאר אין ה'תשנ"ב, און וועט פאסירן נאכאמאל אין ה'תשע"ו און ה'תשע"ט.
- אין א בשז יאר געפאלט ראש חודש אום שבת דריי מאל: ראש חודש טבת געפאלט שבת-זונטיק, ראש חודש ניסן געפאלט שבת, און ראש חודש אלול געפאלט שבת און זונטיק.
- חנוכה געפאלט פון מאנטיק ביז מאנטיק, מען צינדט דאס ערשטע ליכטל זונטיק אוונט.
- ט"ו בשבט געפאלט מאנטיק.
- פורים געפאלט דאנערשטיק (אין ירושלים פרייטיק).
- ל"ג בעומר געפאלט דאנערשטיק.
- שבועות געפאלט זונטיק (אויך מאנטיק אין חוץ לארץ).
- צום גדליה געפאלט מיטוואך, עשרה בטבת געפאלט דינסטיק, אסתר תענית געפאלט מיטוואך, תענית בכורות געפאלט פרייטיק, און שבעה עשר בתמוז מיט תשעה באב ווערן ביידע נדחה צו זונטיק.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
