ჯონ დესმონდ ბერნალი
From Wikipedia, the free encyclopedia
ჯონ დესმონდ ბერნალი (ინგლ. John Desmond Bernal; დ. 10 მესი, 1901, ნინა, ტიპერარიშ ოგრაფე, ირლანდია — ღ. 15 ეკენია, 1971, ლონდონი, ინგლისი, გოართოიანაფილი ომაფე) — ირლანდიარი ფიზიკოსი, ომოსო მოღალენდჷ ფიზიკაშ, ბიოქიმიაშ დო კრისტალოგრაფიაშ დისციპლინეფს. რდჷ ართ-ართი მაართა მენცარი ნამუქჷთ გიმირინუ რენტგენოსტრუქტურული ანალიზი მოლეკულური ბიოლოგიაშ დარგის.
ჯონ დესმონდ ბერნალი | |
ინგლ. John Desmond Bernal | |
დაბადებაშ თარიღი: | |
---|---|
დაბადებაშ აბანი: |
ნინა, ტიპერარიშ ოგრაფე, ირლანდია |
ღურაშ თარიღი: |
ეკენია 15, 1971 (70 წანერი) |
ღურაშ აბანი: | |
მენოღალობა: | |
ომენცარე სფერო: |
რენტგენოსტრუქტურული ანალიზი |
სამუშაშ აბანი : |
ბირკბეკი (ლონდონიშ უნივერსიტეტი) |
ალმა-მატერი: | |
ომენცარე ხემანჯღვერი: | |
ჯოხოშინელი მოგურაფეეფი: | |
ჯილდოეფი დო პრემიეფი: |
ომაფე ჯარალუაშ მაკათური (1937) |
ჯონ დესმონდ ბერნალი გურაფულენდჷ კემბრიჯიშ უნივერსიტეტის, სოდეთ თიში ომენცარე ხემანჯღვერი უილიამ ჰენრი ბრეგი რდჷ. ჸათე პერიოდის ბერნალიქ გიმირკვიუ გრაფიტიშ დო ბრინჯაოშ კრისტალური სტრუქტურა დო გიმიგონჷ რენტგენული სპექტრო-გონიომეტრი. 1927 წანაშე ბერნალი მუშენდჷ კემბრიჯის, სტრუქტურული კრისტალოგრაფიაშ ლექტორო. 1934 წანაშე რდჷ კავენდიშიშ ლაბორატორიაშ დირექტორიშ ასისტენტი. ჸათე პერიოდიშე ბერნალიქ დიჭყჷ კრისტალოგრაფიური ტექნიკაშ გჷმორინაფა ორგანული მოლეკულეფიშ დაგურაფალო. კავენდიშიშ ლაბორატორიას მუშობაშ ბორჯის ბერნალიქ აკეთჷ ტიამინიშ, პეპსინიშ, ერგოკალციფეროლიშ, სტეროლეფიშ დო თუთუნიშ მოზაიკური ვირუსიშ სტრუქტურული ანალიზი. ბერნალიქ გიმირკვიუ წყარიშ სტრუქტურა ხოლო დო ოძირუ თიში მოლეკულეფიშ ბუმერანგული ფორმა. 1934 წანას, ბერნალიქ დო დოროთი ჰოჯკინიქ გინიღეს პროტეინიშ კრისტალეფიშ რენტგენული ფოტოეფი. 1937 წანას ბერნალიქ ომუშებუშა ბირკბეკიშა გეგნორთჷ, სოდეთ მუშენდჷ ფიზიკაშ პროფესორო. მაჟირა მოსოფელიშ ლჷმაშ ბორჯის ბერნალი მონაწილენდჷ შხვადოშხვა ოურდუმე პროექტეფს, ოკათუდჷ ოპერაციეფიშ ოვერლორდიშ დო ნეპტუნიშ ორგანიზაფას. ბერნალი რდჷ ბრიტანეთიშ ოზუღე ნძალეფიშ ლეიტენანტი.
ბერნალი რდჷ შხვადოშხვა პრემიეფიშ დო ჯილდოეფიშ ლაურეატი. 1945 წანას ლონდონიშ ომაფე ჯარალუაქ ბერნალის გინოჩჷ პრესტიჟული ომაფე მენდალი. 1937 წანაშე რდჷ ომაფე ჯარალუაშ მაკათური. ბერნალი, მუჭოთ მარქსისტი დო კომუნისტი, 1923 წანაშე ოკათუდჷ ბრიტანეთიშ კომუნისტურ პარტიას. 1981 წანას სოციალური მენცარობეფიშ ჯარალუაქ დარსხუ ჯონ დესმონდ ბერნალიშ პრემია. პრემია ირწანიანი რე დო გინმაჩამუ მენცარეფს, ნამუეფით მოღალენა მენცარობაშ დო ტექნოლოგიეფიშ დისციპლინეფს.