![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/6c/Entrance_to_The_Royal_Society.jpg/640px-Entrance_to_The_Royal_Society.jpg&w=640&q=50)
ომაფე ჯარალუაშ მაკათური
From Wikipedia, the free encyclopedia
ომაფე ჯარალუაშ მაკათურობა (ინგლ. Fellowship of the Royal Society (FRS, ForMemRS დო HonFRS) — რე ჯილდო, ნამუსჷთ ლონდონიშ ომაფე ჯარალუა გინმოჩანს ინდივიდეფს, ნამუეფქჷთ მიშეღეს დიდი თია ორთაშობური მენცარობაშ შხვადოშხვა დარგეფიშ გოვითარაფაშა. ლონდონიშ ომაფე ჯარალუაშ მაკათურობა რე პრესტიჟული ჯილდო. The Guardian-იშ აზრით ჸათე ჯილდო ოსკარიშ მეღებაშ ექვივალენტი რე. ომაფე ჯარალუა ირ წანას ღებულენს დოხოლაფირო 60 მაკათურს, საპატიო მაკათურს დო ურცხოალ მაკათურს. მაკათურეფი გიშეგორუ აპრილი-მესიშ პერიოდის, 700 ნომინირაფილი კანდიდატიშე. შხვადოშხვა ბორჯის ლონდონიშ ომაფე ჯარალუაშ მაკათურეფი რდეს გიშარჩქინელი მენცარეფი: ისააკ ნიუტონი, ჩარლზ დარვინი, მაიკლ ფარადეი, ერნესტ რეზერფორდი, სრინივასა რამანუჯანი, ალბერტ აინშტაინი, უინსტონ ჩერჩილი, სუბრაჰმანიან ჩანდრასეკარი, დოროთი ჰოჯკინი, ალან ტიურინგი, ლიზა მაიტნერი, ფრენსის კრიკი, სტივენ ჰოუკინგი.
![Thumb image](http://upload.wikimedia.org/wikipedia/commons/thumb/6/6c/Entrance_to_The_Royal_Society.jpg/640px-Entrance_to_The_Royal_Society.jpg)