სრინივასა რამანუჯანი

სრინივასა რამანუჯან აიანგარი (ტამილ. ஸ்ரீனிவாஸ ராமானுஜன் ஐயங்கார்; ინგლ. Srinivasa Ramanujan Aiyangar; დ. 22 ქირსეთუთა, 1887, იროდუ, ბრიტანეთიშ ინდოეთი — ღ. 26 პირელი, 1920, კუმბაკონამი, ბრიტანეთიშ ინდოეთი) — ინდოარი მათემატიკოსი. მიშეღჷ დიდი მენცარული კონტრიბუცია მათემატიკური ანალიზიშ, რიცხუეფიშ თეორიაშ, სერიეფიშ, გოგინძორაფილი ფრაქციეფიშ რკვიებაშა. რამანუჯანიშ ჯოხონობაშ რე ლანდაუ-რამანუჯანიშ კონსტანტა, რამანუჯანიშ ჰიპოთეზა, რამანუჯანიშ მარტივი რიცხუ, რამანუჯანიშ ტეტა-ფუნქცია, რამანუჯანი-ზოლდნერიშ კონსტანტა, რამანუჯანი-სატოშ სერიეფი დო შხვა. რამანუჯანის მათემატიკური გონათაფა ვაუღუდჷ. 1913 წანაშე რამანუჯანიქ დიჭყჷ კორესპონდენცია შინელი ინგლისარი მათემატიკოსი გოდფრი ჰაროლდ ჰარდიწკჷმა დო თიშ ინიციატივათ რამანუჯანიქ ოგურაფუშა ბრიტანეთიშა მიდართჷ. ბრიტანეთის რამანუჯანი გურაფულენდჷ კემბრიჯიშ ტრინიტი-კოლეჯის, მარა ლახარაშ გეშა კინ ინდოეთიშა დირთჷ, სოდეთ დოღურჷ 1920 წანაშ 26 პირელს, 32 წანერქ. 1997 წანას დირსხუ რამანუჯანიშ ჯოხონობაშ მენცარულ ჟურნალქ. ჟურნალს ბეჭდელი სტატიეფი ორხველჷ მათემატიკაშ არძო სფეროს, გიშაკერზაფილო ჸეთი დარგეფს, ნამუეფს უმოსო მოღალენდჷ სრინივასა რამანუჯანი. რამანუჯანი მერჩქინელი რე XX ოშწანურაშ ართ-ართ უდიდაშ მათემატიკოსო.

სრინივასა რამანუჯანი
ტამილ. ஸ்ரீனிவாஸ ராமானுஜன் ஐயங்கார்
დაბადებაშ თარიღი:	22 ქირსეთუთა, 1887
დაბადებაშ აბანი:	იროდუ, ბრიტანეთიშ ინდოეთი
ღურაშ თარიღი:	პირელი 26, 1920 (32 წანერი)
ღურაშ აბანი:	კუმბაკონამი, ბრიტანეთიშ ინდოეთი
მენოღალობა:	ბრიტანეთიშ ინდოეთი
ომენცარე სფერო:	მათემატიკა
სამუშაშ აბანი :	ტრინიტი-კოლეჯი (კემბრიჯი)
ალმა-მატერი:	ტრინიტი-კოლეჯი (კემბრიჯი)
ომენცარე ხემანჯღვერი:	გოდფრი ჰაროლდ ჰარდი ჯონ იდენზორ ლიტლვუდი
ჯილდოეფი დო პრემიეფი:	ლონდონიშ ომაფე ჯარალუაშ მაკათური (1918)
ხეშმოჭარუა:

გიშნაგორა პუბლიკაციეფი რამანუჯანიშ ნახანდეფიშ გეშა

• Ramanujan, Srinivasa; Hardy, G. H.; Seshu Aiyar, P. V.; Wilson, B. M.; Berndt, Bruce C. (2000). Collected Papers of Srinivasa Ramanujan. AMS. ISBN 978-0-8218-2076-6.
• S. Ramanujan (1957). Notebooks (2 Volumes). Bombay: Tata Institute of Fundamental Research.
• S. Ramanujan (1988). The Lost Notebook and Other Unpublished Papers. New Delhi: Narosa. ISBN 978-3-540-18726-4.
• Problems posed by Ramanujan, Journal of the Indian Mathematical Society.
• S. Ramanujan (2012). Notebooks (2 Volumes). Bombay: Tata Institute of Fundamental Research.

რესურსეფი ინტერნეტის

• სრინივასა რამანუჯანი ენციკლოპედია ბრიტანიკას