![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/b6/Khazar_1.gif/640px-Khazar_1.gif&w=640&q=50)
ხაზარეფი
From Wikipedia, the free encyclopedia
ხაზარეფი — თურქულნინამი გვერდოგეგია კათა, დუდმაართაშე ცენტრალური აზიაშე, ნამუქჷთ VII ოშწანურას ზოხორინელი ოხანე აკოქიმინეს ოორუე კავკაციას. აკონტროლენდეს აბრეშუმიშ დიდ რზას ნამუთ ართიანს მეთმიორსხუანდჷ ჩინეთის, ცენტრალური აზიას დო კიევიშ რუსეთის[1][2]. სუმი ოშწანურაშ გოძვენას (650-965) აკონტროლენდეს ვოლგაშ დო დონიშ წყარპიჯეფს ყირიმიშ ჩქონს[3]თინეფი დიდი ხანიშ გოძვენას იდვალუაფუდეს ბიზანტიაშ იმპერიაშ დო ომაიანეფიშ ოხალიფეშ შქას, თიშ უკული, მუთ მეხვარეს ბიზანტიაშ იმპერიას სასანიანეფიშ დამარცხებას.
![Thumb image](http://upload.wikimedia.org/wikipedia/commons/thumb/b/b6/Khazar_1.gif/640px-Khazar_1.gif)
ბიზანტიაშ იმპერიაშ დო ხაზარეფს შქას რსხუქ 900 წანას გეუფრაშჷ, მუშ შედეგო ბიზანტიაქ მოუჭანუ ალანეფს, ხაზარეფი ყირიმიშე დო ოორუე კავკაციაშე გეგშურაჸუდესკო[4]. თე ფაქტით ირგებუა კიევიშ რუსეთიშ მამართალ სვიატოსლავ I-ქ, გეჭოფუ ხაზარეფიშ ნანანოღა ატილი (965-969) დო მოჯალაგუ ხაზარეფიშ ომაფე.