ტანგანიიკაშ პროვინცია
From Wikipedia, the free encyclopedia
From Wikipedia, the free encyclopedia
ტანგანიიკაშ პროვინცია (ფრანგ. Tanganyika) — კონგოშ დემოკრატიული რესპუბლიკაშ პროვინცია, ნამუთ ქიანაშ ობჟათე-ბჟაეიოლშე იდვალუაფუ. ადმინისტრაციული ცენტრი — ნოღა კალემიე. ახალი ადმინისტრაციული დორთუალა, ნამუშ მეშქაშობათ ქიანა აკმოდირთუ 26 პროვინციაშე, გომანგარაფილი რე 2006 წანაშ კონსტიტუციათ, მარა 2010 წანაშ ბოლოშო თინა დიო ხოლო რატიფიცირაფილი ვარდჷ დო ნძლაშა ვარდჷ მიშულირი[1]. საბოლოოთ თიქ 2015 წანას აკიქიმინჷ ტანგანიიკაშ რაიონშე, ნამუთ კინოხ მიშმეშჷ კატანგაშ ჸოფილ პროვინციაშა.
| ქიანა |  კონგოშ დემოკრატიული რესპუბლიკა |
| სტატუსი | პროვინცია |
| მიშმურს | 6 ტერიტორია |
| ადმინ. ცენტრი | კალემიე |
| მახორობა (2005) | 2 482 009 (12 აბანი) |
| მეჭედალა | 18,39 კოჩი/კმ² |
| ფართობი | 134 940 კმ² (3 აბანი) |
_-_Tanganyika.svg) | |
| ბორჯიშ ორტყაფუ | UTC+1 |
| კოდი ISO 3166-2 | CD-TG |
პროვინციას ბჟაეიოლშე უხურგანს ტანგანიიკაშ ტობა. ტექნიკურო თინა იდვალუაფუ ტანზანიაშ დო ზამბიაშ ხურგას. ადმინისტრაციული ცენტრი კალემიე თაშნეშე იდვალუაფუ ტობას.
ტერიტორია, ნამუსჷთ გიმიქიმინჷ პროვინციაქჷნ, 1960 წანაშახ მიშმეშჷ ბელგიაშ კონგოშ აკოდგინალუაშა. კატანგაშ ტერიტორია, დო კერზოთ, ტანგანიიკაშ პროვინცია, გიშაკერზაფილო დიდარი რე მორგე დინოხურიშით. ზოხორინალაშ მოპალუაშ უკული თე ტერიტორიას აკიქიმინჷ ზოხორინელი კატანგაშ სახენწჷფოქ. 1961 წანას თაქ მოხვადჷ ლუბაშ კათაშ ჯანყიქ თე სახენწჷფოშ სააწმარენჯოთ. 1961 წანას ტანგანიიკა ხემაჟირაშა ქჷდიჸუნუ კატანგაშ სახენწჷფოქ დო თიმ წანას კინშასაშ ცენტრალურ ხეშუულებაქ. 1962 წანაშ 11 კვირკვეშე 1966 წანაშ 28 ქირსეთუთაშახ თეხანური ტანგანიიკა რდჷ ოორუე კატანგაშ დუდმამართალი პროვინცია, მარა უკული მობუტუ სესე სეკოშ ხეშუულებაქ თინა გემიშეჸონჷ კატანგაშ პროვინციაშ აკოდგინალუაშა.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
