ზუღა From Wikipedia, the free encyclopedia
რჩქალი ოკიანე (გიოდჷ პორტუგალიარი მარკვიე ფერნანდო მაგელანქ) — მოსოფელიშ უდიდაში წყარიშ რეზერვუარი. თინა მითმიკინენს დიხაუჩაშ ჟიდონფაშ ნასუმორს, საართო ფართობით 179,7 მილიონი კმ²; ოკიანეს მეხოლაფირო 25 000 კოკი რე, ნამუშ უმენტაშობა ეკვატორიშ ობჟათეჸურე იდვალუაფუ. ოკიანეშ ქვინჯი ბჟადალჸურე უმოსი ტომბა რე ბჟაეიოლწკჷმა ალაზიმაფათ. თიში არძოშე უმოსი ტომბა აბანიშ – მარიანიშ რღამილიშ სიტომბა 11022 მეტრა რე.
ედომუშამ რჩქალი ოკიანეს მოდვალირი რე ვულკანური გოჭყაფაშ კოკეფი. ნამთინე ათეცალ კოკის გოლუას მანჯანეფქ ქჷგაარდჷ, ნამუშ უკულით კოკეფქ ზუღას ქიმშადინეს, დო თინეფიშ აბანს რკალქ – მარჯანიშ რიფეფქ ქჷდოსქიდჷ. ოკიანეს გოლუაფირი აფჷ აქტური ვულკანეფიშ ჯაჭვი, ნამუსჷთ „დაჩხირიშ რკალს“ უძახჷნა. რჩქალი ოკიანეშ რეგიონი იხასიათებუ ტროპიკული შტორმეფით – ტაიფუნეფით, ნამუეფით იხასიათებუ მერთა-მორთაშ რეღმეფით, მუთ ვულკანეფიშ ეშაგორგოთიშ დო წყარიშთუდონი დიხაშნწალუაშ მოღალუ რე.
რჩქალი ოკიანეშ კათეფს დორხველ ხვარებაშო უთარაშო მოჸუნა ოჩამალი ჩანარეფი. მარა, მინი კოკეფს უღუნა თინერი ოექსპორტე კულტურეფით, მუნერეფით რე, ქოქოსიშ კაკალი დო ზეთიშ პალმა. ანდა მორჩილი კოკოშო ჩხომჭოფუა ურცხოული ვალუტაშ მუშნაველიშ უშანულამაში წყუ რე. შხუ ჩხომჭოფუ ოწარმეეფი მორჩილას რე. თინეფი აძვილებურეფი რენა კონკურენცია გამუკუჸონანჷ იაპონიაშ დო რუსეთიშ ფედერაციაშ შხუ ჩხომმაჭოფუ ფლოტეფს. პალმეფამი პლაჟეფიშ, მანჯანიშ რიფეფიშ დო ბჟალამი კლიმატიშით, რჩქალი ოკიანეშ კოკეფი ტურისტეფს ძალიერო მიკმიჭოფანს.
1 ტაივანიშ ზოხორინალა ონირზებელი თემა რე.
|
|
|
ოკიანეეფი |
ოორუე ჸინუამი ოკიანე • ატლანტიშ ოკიანე • ინდოეთიშ ოკიანე • რჩქალი ოკიანე • ობჟათეშ ოკიანე |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.