პანკისიშ ლეხერი — იდვალუაფუ წყარმალუ ალაზანიშ ჟილენი მალობას ლეხერს (ბახტრიონიშ ჟილე) კავკაციონიშ ფარგილეფს, ახმეტაშ მუნიციპალიტეტიშ ტერიტორიას. სიგჷრძა 34 კმ (გვალა ბორბალოშე ალაზანიშ ვეშახ). აკოხურგელი რე კავკაციონიშ თარი ქჷნდჷრიშ ობჟათე ჸალეფით — პანკისიშ დო დიდგვერდ-ნაქერალაშ ქჷნდჷრეფით.
წყარმალუ ალაზანიშ ღანჩოშ ჟიმოლენი ნორთი ქოჩარიშ ქჷნდჷრით ირთუ ჟირ ლეხერო, ნამუეფით წყარმალუეფს წიფლოვანისწყალს დო სამყურისწყალს ორხველჷ. ზუღაშ დონეშე 950 მეტრ სიმაღალას თე წყარმალუეფი აკმიკათუაფჷნა დო წჷმოქიმინჷნა ალაზანს. თე აბანიშ თუდო პანკისიშ ლეხერშო დჷმახასიათაფალი რე ფართე, მორზენებული, დოტერასაფილი ქვინჯი. ლეხერი გჷმომუშებული რე იურულ დიხაჭაბტკილეფით. რელიეფი თარო ეროზიული რე, მარა სამყურისწყალიშ ღანჩოს იძირებე ნაანთხაშური ჯიშთიშ ნოქური (ტროგეფი, ცირკეფი, გოკამაჭელი კირდეეფით). ლეხერიშ ფერდეფს 2000-2200 მეტრაშახ ჩანს ფართეფურცელამი ტყა. ალაზანიშ მარძგვანი ნადუშ ბაწარიშ ლეხერს რე ურთხელიშ ტყაშ ბაწარიშ სახენწჷფო ტყაჩირი.[1]
- მარუაშვილი ლ., ქსე, ტ. 7, გვ. 663, თბ., 1984
- მარგოშვილი ლ., პანკისის ხეობა. თბ., 2002
- პანკისის კრიზისი. თბ., 2002
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
