ლეიკემია
From Wikipedia, the free encyclopedia
From Wikipedia, the free encyclopedia
ლეიკემია თაშნეშე ლეიკოზი (ბერძენ. λευκός — ჩე დო ბერძენ. αἷμα — ზისხირი) — კიბოშ ლახარეფიშ ბუნა, ნამუთ მუჭოთ წესი ყვილიშ ტვინს იჭყაფუ დო გჷმიჭანუანს ანომალიური ლეიკოციტეფიშ (ჩე თოლეფიშ) კაბეტი მუდანობათ გოჭყაფას.[1] თე ლეიკოციტეფი რსულას მოულირი ვა რე დო ბლასტეფიშ ვარ-და ლეიკემიური თოლეფიშ ჯოხოთ რე ჩინებული.[2] სიმპტომეფი გჷმოჭანაფილი რე ზისხირიშ ნორმალური თოლეფიშ დეფიციტით დო შილებე იკათუანდას ზისხირნტინას დო ზისხირლებეფს, შულადაშ გინაფას, ტემპერატურულ რეაქციაშ დო ინფექციური პროცესეფიშ გოვითარაფაშ მაღალი რისკის.[2] [2] დიაგნოზი გეთმიაპონჷ ზისხირიშ ანალიზის დო ყვილიშ ტვინიშ ბიოფსიას.[2]
ლეიკემიაშ გჷმმაჭანაფალი ზუსტი ბაძაძი უჩინებუ რე. იკოროცხუ, ნამჷ-და ლეიკემიაშ შხვადოშხვა სახეეფი შხვადოშხვა ბაძაძწკჷმა რე მერსხილი. ლახარაშ ხემანწყუ ფაქტორეფშე აქტუალური რე მუჭოთ ელმოლი, თაშნეშე მონძალური ფაქტორეფი.[3] რისკ-ფაქტორეფშა მიშმურს პაპუა, მაიონაფალი გუმოჩხორიაფა, შხვადოშხვა ქიმიკატეფი (სამანგ. ბენზოლი), ქიომოთერაპია დო დაუნიშ სინდრომი.[3][4] ლეიკემიაშ ფანიური ისტორიაშ მოღვენი პიჯეფს ათე ლახარაშ გოვითარაფაშ მაღალი რისკი უღჷნა.[4] ლეიკემიაშ 4 თარი სახე რე — კონწარი ლიმფობასტური ლეიკემია, კონწარი მიელოიდური ლეიკემია, ქრონიკული ლიმფოციტური ლეიკემია დო ქრონიკული მიელოიდური ლეიკემია — თაშნეშე მუსხირენ მერკეთ მოდვალირი სახე.[4] ლეიკემია დო ლიმფომა კიბოშ ლახარეფიშ ფართო ბუნა რე, ნამუთ გავალს მეთმიონინუანს ზისხირს, ყვილიშ ტვინს დო ლიმფურ სისტემას.[5][6]
ოკურნალეთ გჷმირინუანა ქიმიოთერაპიაშ, გჷმოჩხორიაფაშ თერაპიაშ, ოღანკე თერაპიაშ დო ყვილიშ ტვინიშ გინორგუაფაშ კანკალე კომბინაცია, გეძინელ ოხვილობაშ მეჯინათ ომანგე კურნალუა დო პალიატური მუკოლუაფა.[4][4] კურნალუაშ წჷმოძინა დოჸუნს ლეიკემიაშ სახეს დო პაციენტიშ ხანერობას. შედეგეფი იუჯგუშებუ გოვითარაფილჷ ქიანეფს.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.