From Wikipedia, the free encyclopedia
კოლუმბიაშ უნივერსიტეტი (თაშნეშე კოლუმბია, კოლუმბიაშ უნივერსიტეტი ნოღა ნიუ-იორკის) რე კერძო, აივიშ ლიგაშ მაკათური უნივერსიტეტი ნიუ-იორკის. უნივერსიტეტიქ დირსხუ 1754 წანას, მუჭოთ ომაფე კოლეჯიქ, დიდი ბრიტანეთიშ მაფა ჯორჯ II-შ ომაფე ქარტიათ. 1784 წანას, ამერიკაშ რევოლუციაშ უკულ თის ქიგიადჷ კოლუმბიაშ კოლეჯიშ ჯოხოქ. 1896 წანას კოლეჯიშ კამპუსიქ გინილჷ თიშ ასეიან ლოკალიზაციშა მორნინგსაიდ ჰაიტსიშა. ჸათეშ უკულ უნივერსიტეტის ქიგიადჷ კოლუმბიაშ უნივერსიტეტიშ ჯოხოდვალაქ. კოლუმბიაშ უნივერსიტეტი ართ-ართი უდიდაში დო უჯვეშაში უნივერსიტეტი რე ამერიკას. უნივერსიტეტიქ დო თიშ მენცარეფქ მიშეღეს დიდი თია ნეიროკომპიუტერული ინტერფეისიშ, ლაზერიშ, მაზერიშ, ბირთვულ-მაგნიტური რეზონანსიშ, ბირთვული რეაქტორიშ, მანჰეტენიშ პროექტიშ დორსხუაფაშა დო გოვითარაფაშა. კოლუმბიაშ უნივერსიტეტი იკათუანს 20 მენცარულ სკოლას, მენცარული რკვიებეფიშ ცენტრეფს: ლამონტ-დოერტიშ დიხაუჩაშ ობსერვატორიას, კოსმოსური რკვიებეფიშ გოდარდიშ ინსტიტუტის, აქსელერატორეფიშ ლაბორატორიეფს დო შხვა. კოლუმბიაშ უნივერსიტეტი რე ამერიკული უნივერსიტეტეფიშ ასოციაციაშ დუმარსხუაფალი-მაკათური. უნივერსიტეტი რდჷ ართ-ართი მაართა ამერიკას, ნამუსჷთ უღუდჷ მედიცინაშ ოდოქტორე პროგრამა. უნივერსიტეტი ადმინისტრირენს ირწანიან პულიცერიშ პრემიას. კოლუმბიაშ უნივერსიტეტიშ ბიბლიოთეკა რე მასუმა უდიდაში კერძო ბიბლიოთეკა ამერიკას. ბიბლიოთეკას 14,5 მილიონიშე უმოსი წინგი რე. 2020 წანაშ გჷმათუთაშ მუნაჩემეფით კოლუმბიაშ უნივერსიტეტიშ კურსნათებუეფი რდეს: ამერიკაშ 7 დუმარსხუაფალი მუმა, 4 ამერიკაშ პრეზიდენტი, შხვა სახენწჷფოეფიშ 29 ლიდერი, 100 ნობელიშ პრემიაშ ლაურეატი, ამერიკაშ მენცარობეფიშ ერუანული აკადემიაშ 122 მაკათური, 53 მილიარდერი, ოლიმპიადეფიშ 22 მედალისტი, ოსკარეფიშ ჯილდოშ 33 გომორძგვილი დო პულიცერიშ პრემიაშ 125 ლაურეატი.
კოლუმბიაშ უნივერსიტეტი ინგლ. Columbia University | |
დევიზი | In lumine Tuo videbimus lumen (ლათ.) |
---|---|
დირსხუ | 1754 |
ტიპი | კერძო |
ფონდეფი | $ 14.35 მლრდ. (2021) |
წორომახანდე | 4,370 |
პრეზიდენტი | ლი ბოლინჯერი |
პროვოსტი | მერი კანინგემ ბოისი |
სტუდენტი | 33,413 (2019) |
ორენი | ![]() |
კამპუსი | ურბანული (1.21 კმ²) |
ფერეფი | კოლუმბიაშ ცაშფერი დო ჩე |
საიტი | columbia.edu |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.