From Wikipedia, the free encyclopedia
არტაანი (თურქ. Ardahan) — ნოღა დო რაიონი თურქეთიშ ოორუე-ბჟაეიოლ ნორთის. არტაანიშ პროვინციაშ ადმინისტრაციული ცენტრი. ნოღა იდვალუაფუ არტაანიშ პლატოს, წყარმალუ მტკვარიშ ოდუდეწკჷმა, თიშ ჟირხოლო წყარპიჯის.
ნოღა
არტაანი
Ardahan
|
პტოლემეს არტაანი მოშინაფილი აფჷ არტანისაშ (ლათ. appidum Artanisa) ჯოხოთ. XIII ოშწანურაშე თექ იდვალუაფუდჷ არტაანიშ დო კოლაშ ერისთავეფიშ რეზიდენცია. ოშწანურეფიშ გოძვენას არტაანი საქორთუოშ ომაფეშ უგურთუ ნორთი რდჷ. 1555 წანას ოსმალეთიშ იმპერიაშით სამცხე-საათაბაგოშ ოკუპირაფაშ უკული სანჯაყიშ სტატუსით გემშართჷ იმპერიაშ აკოდგინალუაშა. 1878 წანას რუსეთ-თურქეთიშ ლჷმაშ შედეგო რუსეთიშ იმპერიაშ ფარგალეფს რდჷ. 1883 წანაშე არტაანიშ ოკრუგიშ ცენტრი რდჷ დო ყარსიშ ოლქიშ აკოდგინალუაშა მიშმეშჷ. 1883 წანაშო ნოღას 4 ოქუმი დო 78 ოვაჭარე დჷნაწესებუეფი რდჷ. 1918-1921 წანეფს, არტაანი საქორთუოშ დემოკრატიული რესპუბლიკაშ აკოდგინალუაშა მიშმეშჷ. ერეფიშ ლიგაქ ნოღა საქორთუოშ ტერიტორიათ აღიარჷ. სხუნუეფიშ ოკუპაციაშ უკული საქორთუოქ არტაანიშ ოლქიშე კონტროლი მიოდინუ. 1921 წანაშ ყარსიშ ხეკულუაშ მეჯინათ, არტაანი ართვინიშ, ოლთისიშ დო რიზეშ ოლქეფწკჷმა ართო, თურქეთიშ აკოდგინალუას ქჷმოხვადჷ.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.