ბადრიჯანი

ბადრიჯანი ვარ-და რუმე გუმნაღელამი ჯოღორიშ მაჸურზენაია (ლათ. Solanum melongena) — მიარეწანიანი ჩანარი ჯოღორიშ მაჸურზენაიაშობურეფიშ ფანიაშე. სიტიბაშ (20-30 °C) დო სილამეშ მოჸოროფე კულტურა.

? ბადრიჯანი
ბადრიჯანი
მენცარული კლასიფიკაცია
ჟინომაფე: ევკარიოტეფი ომაფე: ჩანარეფი გიმენომაფე: წვანე ჩანარეფი გჷნართი: პეულამეფი კლასი: ჟირლებერამეფი რანწკი: ჯოღორიშ მაჸურზენაიაშნერეფი ფანია: ჯოღორიშ მაჸურზენაიაშობურეფი გვარი: ჯოღორიშ მაჸურზენაია ბუნა: ბადრიჯანი
ლათინური ჯოხო
Solanum melongena L.
თხილუაშ სტატუსი
სისტემატიკა ვიკინერობეფს სურათეფი ვიკიოწკარუეს ITIS 30446 NCBI 4111

ბადრიჯანიშ ოდაბადე რე ბჟაეიოლი ინდოეთი. ტყას ჩანს ობჟათე-ბჟაეიოლ აზიას (ინდოეთი, მიანმარი დო შხვა), ტროპიკულ ორტყაფუს კულტივირაფილი რე ანდაწანიან ჩანარო. მოლენკავკაციაშ რესპუბლიკეფს, რუსეთიშ დო უკრაინაშ ობჟათეშე, მოლდოვას დო მორჩილ აზიას მოჸუნა ღილე გრუნტის.

გუმნაღელი იკათუანს (%-ობათ): 7,1-11 სქირე ნიფთიარობას, 2,7 - 4 შანქარს, 0,6-1,4 ცილას, 0,1-0,4 ციმუს, თაშნეშე კალციუმიშ, ფოსფორიშ, რკინაშ დო შხვა ჯიმუეფს. ბადრიჯანს გიმირინუანა საკონსერვე წარმებას დო კულინარიას. მოფვალირი რე ჯიშეფი: დელიკატესი 163, დონური 14, გირძე იაიაშფერი 239, სიმფეროპოლური 105, საკონსერვე 10 დო შხვა.

მოსალობა 1530 ტ/ჰა. სუბტროპიკულ დო ზომიერი ჰეერიშ ქიანეფს ბადრიჯანი მოჸუნა მუჭოთ ართწანიანი კულტურა ნერგიშ გიშაჸონაფაშ მეთოდით. ივანე ჯავახიშვილიშ ჩინებათ, საქორთუოს ბადრიჯანი ჩინებული ჸოფე XII ოშწანურაშახ. ოკათე სელექციათ გოჭყაფილი რე აბანობური ჯიშები. რესპუბლიკას დორაიონაფილი ჯიშეფი რე: გარდაბანული, ბულგარული 014, შავგვრემანი. ბადრიჯანიშ მანებელეფი რე: მინდორიშ ბაღლინჯო, მახრაშობურეფი დო შხვა. ლახარეფი: სქირე სიჸორადე, ფილტოფთორა, ბჟღირაფა.

ლიტერატურა

• კვაჭაძე გ., ქორთული სხუნუეფიშ ენციკლოპედია, ტ. 2, ხს. 137, ქართი, 1977 წანა.