Metacritic
From Wikipedia, the free encyclopedia
Metacritic — ინგლისურნინამი საიტი, ნამუთ შაყარანს მუსიკალური ალბომეფიშ, ლაჸაფეფიშ, ფილმეფიშ, ტელეგინოჩამეფიშ, DVD-ეფიშ დო, წოხოლე, წინგეფიშ გოჯინეფს. არძა პროდუქტიშო გიშეკოროცხუ ოშქაშე რიცხული ლიშანი არძა გუმობჟინაფილი გოჯინაშე. თინა დარსხუესჷ ჯეისონ დიეტზიქ, მარკ დოილმქ დო ჯული დოილ რობერტსიქ. არძა გოჯინაშ ეშნაჭკირა მეჭირინაფილი რე წყუშ მებუნაფილწკჷმა ართო. სუმი ფერიშ კოდი — წვანე, ჸვინთელი დო ჭითა — ათეშნერო აკუძინანს კრიტიკოსიშ რეკომენდაციას, წარმოდგენას მარზენა პროდუქტიშ ედომუშამი მიკოჭოფუაშ გეშა რეცენზენტეფს დო, უმოსო ნარკებო, კათაშ შქას.
Metacritic | |
მიოწურაფუ | Metacritic.com |
---|---|
მინჯე | CBS Interactive (CBS Corporation) |
საიტიშ ტიპი | გოჯინეფიშ აგრეგატორი |
რეგისტრაცია | უფასო / გიშაჭარუა |
გოტებაშ თარიღი | 1999 წანაშ ღურთუთა |
სტატუსი | ჸოფიერი |
Metacritic-იშ ფასებაშ მეთოდიშ მეჯინათ ოშქაშე რეიტინგიშ გიშაკოროცხუაშა არძა გოჯინა გინოჸუნა პროცენტულ აპონიშა, ნამუსჷთ საიტი, წყუ ისხუნუანს მუშით. გოჯინაშ „წონა“ ოშქაშეშ გიშაკოროცხუას შხირო აპონი რე კრიტიკოსიშ რეპუტაციას, შანულობას დო შხვა სუბიექტურ ფაქტორეფს.[1] უმკუჯინუო თიში, ნამდა Metacritic ვარიას იჩიებუ კრიტიკოსეფიშ გოულაშ გუმოარგამებაშ გეშა, თიში გიშაკოროცხუა ეფი რე წირფელი ალგებრაშ მოხვარებათ.
მიარე გოჯინაშ საიტი არზენს გოჯინას ლიშანს ხუთიშე, ვითიშე, ოშიშე ვარდა ხოლო ანბანურ ლიშანს. Metacritic გინოქიმინუნს ათეჯგურა ლიშანეფს პროცენტულ აპონო. გინოჯინეფს, ნამუეფსჷთ ვაპალუნა ზუსტი, ზუსტი ლიშანი (მაგალითო, ნიუ-იორკ ტაიმზიშ გოჯინეფი), Metacritic ხელუანურო აფასენს დო არზენს რელევანტურ რეიტინგის.