From Wikipedia, the free encyclopedia
ჰით ენდრიუ ლეჯერი (დ. 4 პირელი, 1979 – გ. 22 ღურთუთა, 2008) — ავსტრალიარი არტისტი, ნამუთ ლაჸაფენდჷ მუჭოთ ფილმეფს, თაში ოტელევიზიე სერიალეფს.
თიშ უკული, მუთ ილაჸაფუ როლეფი ავსტრალიაშ ტელევიზიას დო კინოს 1990-იანეფის გოძვენასჷნ, 1998 წანას ლეჯერქ ოხორალო გინორთჷ ააშ-შა მუში კინოკარიერაშ ოვითარებუშა. თიში კარიერა აკმოდირთუ ვითოჩხორო ფილმო, თინეფ შქას: „ჩქიმი გოჯოგაფაშ ვითი სამანჯელი“ (1999), „პატრიოტი“ (2000), „მონსტრეფიშ წვია“ (2001), „აიარიშ ისტორია“ (2001), „ნედ კელი“ (2003), „პუხუამი გვალა“ (2005) დო „წკურუმია აიარი“ (2008).[1] არტისტალაწკჷმა ართო რდჷ მუსიკალური ვიდეოფიშ პროდიუსერი დო რეჟისორი დო ინჭაფუდ, ქიჸუკო კინორეჟისორქჷნ.[2]
ენის დელ მარიშ გოსახიერაფათ ფილმის „პუხუამი გვალა“, 2005 წანას ლეჯერქ მიღჷ ნიუ-იორკიშ ფილმიშ კრიტიკოსეფიშ ქართაშ ჯილდო კატეგორიას „საუჯგუშო არტისტი“, დო 2006 წანას - „საუჯგუშო არტისტიშ“ ჯილდო ავსტრალიური ფილმეფიშ ინსტიტუტიშე დო ნომინირაფილი რდჷ 2005 წანაშ ოსკარიშ დოჯილდაფეფიშ ცერემონიას კატეგორიას „ოსკარი საუჯგუშო არტისტი კოჩიშო“,[3] ხოლო ბრიტანული აკადემიაშ ფილმეფიშ დოჯილდაფას კატეგორიას „საუჯგუშო არტისტი თარი როლს“.[4] ღურაშ უკული თიქ მიღჷ „დუდიშული შურიშ რობერტ ალტმანიშ პრემია“ არტისტეფიშ დოსქილადირ მიშარინაწკჷმა ართო, თიშე ტარებული სამუშაშო რეჟისორიშ დო კასტინგიშ რეჟისორიშ აპლუას ფილმს „მა თექ ვავორექ“, ნამუსჷთ მიშაგონაფილი რდჷ ამერიკალი მაბირეშ დო ბირეფიშ ავტორიშ ბობ დილანიშ რინათ დო ბირეფით. ფილმს ლეჯერი ასახიერენს გჷმოგონილ არტისტ რობი კლარკის, ართ-ართ პერსონაჟის ეთი ამშვიშე, ნამუეფით ასახენა დილანიშ რინაშ დო პერსონაშ ასპექტეფსჷნ.[5] ლეჯერქ მიღჷ მიარე ჯილდო თიშე გოსახიერაფილი ჯოკერიშ როლიშო ფილმის „წკურუმია აიარი“, თენეფ შქას ოსკარი მაჟირახარისხუანი როლიშ საუჯგუშო სრულებაშო, საუჯგუშო არტისტიშ ოერეფოშქაშე ჯილდო 2008 წანაშ ავსტრალიური ფილმეფიშ ინსტიტუტიშ დოჯილდაფას, მუთჷთ თინაქ იჸუ მაართა არტისტიქ, ნამუქჷთ მიღჷ ჯილდო ღურაშ უკული,[6] ლოს-ანჯელესიშ ფილმიშ კრიტიკოსეფიშ ასოციაციაშ ჯილდო მაჟირახარისხუანი როლიშ საუჯგუშო სრულებაშო, 2009 წანაშ ორქოშ გლობუსი მაჟირახარისხუანი როლიშ საუჯგუშო სრულებაშო[7] დო 2009 წანაშ ბრიტანული აკადემიაშ ფილმეფიშ ჯილდო მაჟირახარისხუანი როლიშ საუჯგუშო სრულებაშო.[4]
ლეჯერქ ღურჷ ეჩდობრუო წანაშ ხანს[3][8] „გიშაჭარილი წამალეფიშ მუმაწამალარი კომბინაციაშ“ მოხვალამირი მეღებაშ გეშა.[9][10][11] ღურაშა ხვალე მუსხირენ თუთათ ადრე ათუ ლეჯერქ გინოღალეფი თიში ბოლო, ჯოკერიშ როლშო ფილმის „წკურუმია აიარი“.[12] ღურაშ მომენტიშო, 2008 წანას 22 ღურთუთაშო, თის გინოღალეფიშ დახოლებურო გვერდი აფუდჷ დარსულებური ტონიშ როლს, ტერი გილიამიშ ფილმშო „დოქტორ პარნასიშ აწოძირაფა“.
წანა | მარგალურო | ოდაბადური ჯოხოდვალა | როლი | |
---|---|---|---|---|
1999 | ფ | ჩქიმი გოჯოგაფაშ 10 სამანჯელი | 10 Things I Hate About You | პატრიკ ვერონა |
2000 | ფ | პატრიოტი | The Patriot | გაბრიელ მარტინი |
2003 | ფ | ნედ კელი | Ned Kelly | ნედ კელი |
2005 | ფ | პუხუამი გვალა | Brokeback Mountain | ენის დელ-მარი |
2006 | ფ | კენდი | Candy | დონ კარტერი |
2007 | ფ | მა თექ ვავორექ | I'm Not There | ბობ დილანი |
2008 | ფ | წკურუმია აიარი | The Dark Knight | ჯოკერი |
2009 | ფ | დოქტორ პარნასიშ აწოძირაფა | The Imaginarium of Doctor Parnassus | ტონი შეპარდი |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.