From Wikipedia, the free encyclopedia
ჯონს ჰოპკინსიშ უნივერსიტეტი (ინგლ. Johns Hopkins University, Johns Hopkins, Hopkins, JHU) — კერძო უნივერსიტეტი ააშ-ს, მერილენდიშ შტატიშ ნოღა ბალტიმორს. უნივერსიტეტიქ დირსხუ 1876 წანას. უნივერსიტეტი ამერიკალი ბიზნესმენიშ, ინვესტორიშ დო ფილანთროპიშ ჯონს ჰოპკინსიშ ჯოხონობაშ რე. ჯონს ჰოპკინსიშ უნივერსიტეტი ამერიკაშ ართ-ართი უჯვეშაში უნივერსიტეტი რე. უნივერსიტეტიშ მაართა პრეზიდენტი რდჷ დენიელ კოიტ გილმენი. 1900 წანას ჯონს ჰოპკინსიშ უნივერსიტეტი რდჷ ამერიკული უნივერსიტეტეფიშ ასოციაციაშ ართ-ართი დუმარსხუაფალი. უნივერსიტეტის უღჷ კამპუსეფი მერილენდიშ შტატის დო ნოღა ვაშინგტონს დო ადმინისტრირენს მუშ საირქიანო ცენტრეფს იტალიას დო ჩინეთის. უნივერსიტეტი იკათუანს: მენცარობეფიშ დო ხელუანობეფიშ სკოლას, ინჟინერიაშ სკოლას, მედიცინაშ სკოლას, პიბოდიშ კონსერვატორიას, გჷმორინაფონი ფიზიკაშ ლაბორატორიას, ბიზნეს სკოლას დო შხვა ომენცარე ინსტიტუტეფს. 2019 წანაშ გჷმათუთაშ მუნაჩემეფით უნივერსიტეტიშ კურსნათებუეფი დო უნივერსიტეტიწკჷმა აფილირებულეფი რდეს: 39 ნობელიშ პრემიაშ ლაურეატი, 1 ფილდსიშ მენდალიშ ლაურეატი, ამერიკაშ გიშარჩქინელი მენცარეფი, პოლიტიკოსეფი, დიპლომატეფი, არტისტეფი, სპორტსმენეფი დო შხვეფი.
 |
ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
