კალიმაქე
From Wikipedia, the free encyclopedia
კალიმაქე (ჯვ.ბერძ. Καλλίμαχος, დ. დოხოლაფირო ჯვ.წ. 310, კირენა, პტოლემეეფიშ ომაფე — ღ. დოხოლაფირო ჯვ.წ. 240, ალექსანდრია, პტოლემეეფიშ ომაფე) — ჯვეში ბერძენი პოეტი დო ბიბლიოთეკარი, ელინიური პერიოდიშ ჯვეში ბერძენული ლიტერატურაშ ართ-ართი უდიდაში წჷმმარინაფალი. რე ავტორი დოხოლაფირო 800 ლიტერატურული ნახანდიშ ლიტერატურაშ შხვადოშხვა ჟანრეფს. კალიმაქეშ ნაჭარეფიშ უმენტაშობაშ ხვალე ფრაგმენტეფქ მაჭირინუ ასეიან ბორჯიშა.
კალიმაქე | |
დაბადებაშ თარიღი: |
დოხოლაფირო ჯვ.წ. 310 |
---|---|
დაბადებაშ აბანი: |
კირენა, პტოლემეეფიშ ომაფე |
ღურაშ თარიღი: |
დოხოლაფირო ჯვ.წ. 240 |
ღურაშ აბანი: |
ალექსანდრია, პტოლემეეფიშ ომაფე |
ერუანობა: |
ჯვეში ბერძენი |
საქვარუა: |
პოეტი, ბიბლიოთეკარი |
Magnum opus: |
ბაძაძეფი |
ჟანრი: |
ეტიოლოგია, ეპიგრამა, ეპილიონი |
ნინა: |
კალიმაქექ დებადჷ კირენას (ასეიან ლიბიაშ ტერიტორია). გურაფულენდჷ ალექსანდრიას. გურაფაშ თებაშ უკული მუშენდჷ ალექსანდრიაშ სკოლას. მალას კალიმაქეს, პტოლემე II-შ პატრონაჟით ალექსანდრიაშ ბიბლიოთეკას ქუდუჭყაფჷ მუშობა. ბიბლიოთეკას მუშობაშ ბორჯის კალიმაქექ აკადგინჷ პინაკეფი, ბერძენული ლიტერატურაშ კატალოგი. კალიმაქეშ თარი ლიტერატურული ნახანდი რე "ბაძაძეფი" (Αἴτια). მენცარეფიშ აზრით ბაძაძეფიშ ჭარუაშ თარიღი ოკო რდას ჯვ.წ. 270-240 წანეფი. თაშნეშე კალიმაქე ავტორი რე შხვადოშხვა ეტიოლოგიური პოემეფიშ, ეპიგრამეფიშ, რელიგიური ჰიმნეფიშ, სატირული იამბეფიშ დო ეპილიონიშ - "ჰეკალე".
ბრელი რე ჭარილი, ლიტერატურული კონფლიქტიშ გეშა, ნამუთ კალიმაქეს ნოღვე არგონავტიკაშ ავტორი აპოლონიოს როდოსალიწკჷმა, მარა თეში ჭიჭე ნტკიცება ხოლო ვაარსებენს დო თენა სპეკულაცია უმოსო რე.