ალექსანდრია (არაბ. اسكندرية [eskendeˈrejjæ], ჯვ.-ბერძენ. Aleksándreia, კოპტ. Rakotə) — ნოღა ეგვიპტეს. ჯოხოქ თიშ დჷმარსხუაფალიშ, ალექსანდრე დიდიშ პატიოცემელო გიადჷ დო მუჭოთ ეგვიპტეშ პტოლემეური მართუალაშ ოხვისტე ნოღა, უცბას გჷნიღთჷ ართ-ართ უშანულამაშ ნოღათ ელინისტურ ოქიანუს - სქიდუდჷ ხვალო რომს თიში სიდიდათ დო დიდარობათ ანტიკურობაშ ხანიშ გოძვენას. მორო ეგვიპტეშ შქა ოშწანურეფიშ მაჰმადიანი მამართალეფიშით კაიროშ დორსხუაფაშ უკული ალექსანდრიაშ სტატუსიქ, მუჭოთ ქიანაშ ნანანოღაშიქ, მალას გეთუ. თექ გუჭყჷ ნოღაშ დოდაღარაფას დო ოსმალეთიშ იმპერიაშ პერიოდის, თინა უკვე თეშ რდჷ გაფარჩაკებული, ნამჷ-და ხვალე მორჩილი მეჩხომეეფიშ ოფუტეთ მიშინუაფუდჷ.
ანტიკურ ხანს, ალექსანდრია ჩინებული რდჷ მუში ოსინთუთ (მოსოფელშ შკვით სამანცარობაშ შქას ართ-ართი) დო ბიბლიოთეკათ (მოსოფელს უდიდაში). ალექსანდრიაშ გოხოლუაშ არქეოლოგიური გონთხორუეფქ დიჭყჷ 1994 წანას, ნამუქჷთ ალექსანდრიაშ პტოლემეოსიშ დინასტიაშ პერიოდიშ მიარე დეტალი გეკლარჩქინუ.
|
ზიტყვას „ალექსანდრია“ უღჷ შხვა შანულობეფი ხოლო, ქოძირით ალექსანდრია (მიარეშანულამი). |