![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/16/Bering_Strait.jpeg/640px-Bering_Strait.jpeg&w=640&q=50)
ბერინგიშ საროტი
From Wikipedia, the free encyclopedia
ბერინგიშ საროტი (რუს. Берингов пролив) — საროტი აზიაშ კონტინენტიშ ბჟაეიოლიშ, დეჟნევიშ კოდმეშ დო ოორუე ამერიკაშ ბჟადალი — ალასკაშ კოკიშ უელსიშ პრინციშ კოდმეეფიშ ძგოპეფს შქას. საროტი პოლარული ქართაშე ონდეთ ობჟათეშე იდვალუაფჷ.
![Thumb image](http://upload.wikimedia.org/wikipedia/commons/thumb/1/16/Bering_Strait.jpeg/640px-Bering_Strait.jpeg)
![Thumb image](http://upload.wikimedia.org/wikipedia/commons/thumb/c/c6/Diomede_Islands_Bering_Sea_Jul_2006.jpg/320px-Diomede_Islands_Bering_Sea_Jul_2006.jpg)
ბერინგიშ საროტი ანდაშა ჸოფე მენცარეფიშ გოჯინაშ ობიექტი, თიშენ, ნამჷ-და აზიაშე ოორუე ამერიკაშა ადამიერეფი კონდაკო საროტიშ მიკულათ, თ. ჯ. „დიხაშ ბოგათ“ გინორთეს, მუჟამსჷთ თაქიანობაქ ჸინით გიჩიხჷ დო ოკიანეშ ოკუჩხალექ მანგარო დანთხჷნ.
საროტიშ სიგანა სოდგარენ 85 კმ. რე, ოშქაშე სიტომბა 30-49 მეტრი. ართიანს მეთმურსხუანს ჩუკოტკაშ ზუღას (ოორუე ჸინუამი ოკიანეშ ნორთი) დო ბერინგიშ ზუღას (რჩქალი ოკიანეშ ნორთი). თიშ უმკუჯინუო, ნამჷ-და საროტის მაართათ სიმონ დეჟნიოვქ მიკორთჷ 1648 წანასჷნ, თიში ჯოხო იშენით დანიარი მარკვიაფალიშ, ვიტუს ბერინგიშ პატჷოცემელო გიოდვეს, ნამუქჷთ თაქ 1728 წანას მიკორთჷნ.