直轄市
From Wikipedia, the free encyclopedia
直轄市是某些國家个一級行政區之一,多設置勒城市地區。迭個名稱主要用勒中華民國、中華人民共和國、朝鮮、韓國、越南咾啥个漢字文化圈國家,而字面浪个意義即「直接由中央政府所管轄、建制个都市」。
升格爲直轄市常莊有得較多个居住人口,且通常勒全國个政治、經濟搭文化咾啥各方面浪有得重要地位。迭隻概念源自於1930年中華民國个《市組織法》,稱爲院轄市,取代脫1921年《市自治制》所規定个特別市,特別市个地方自治屬性也勒此法中畀大量削弱,市長朝後至開放直選前皆改由行政院直接派任(官派簡任)。就交直轄市字面浪个含義一樣,迭種行政區劃个概念有得中央集權个色彩。
1990年代,韓國進入全面地方自治時代之後,迭隻名稱畀認爲弗適當而率先更改行政區劃之用語。韓國勒1994年12月修改韓國《地方自治法》並改爲廣域市[1];同年,中華民國政府制定《直轄市自治法》(現由《地方制度法》取代),擔直轄市長改由公民直接選舉產生,但直轄市个名稱並朆更改歇,而且直轄市勒經費及資源个分配上儕較其餘省轄縣市而有優勢。中華人民共和國曾勒1950年擔直轄市市長改採間接選舉(後有間斷)。另外,勒非漢字文化圈个國家,伊排作爲一級行政區个大型都市也常莊畀翻譯成功「直轄市」,以獨聯體國家頂頂普遍。
更多信息 國家, 直轄市 ...
國家 | 直轄市 | 備註 |
---|---|---|
白俄罗斯 | 明斯克 | |
柬埔寨 | 白馬, 拜林, 金邊, 西哈努克 | |
中华人民共和国 | 北京市, 重慶市, 上海市, 天津市 | 中國一級行政區 |
哈萨克斯坦 | 阿拉木圖, 阿斯坦納, 拜科努爾 | |
Template:Country data PRK 朝鲜 | 平壤, 南浦, 羅先市 | 特別市,朝鮮民主主義人民共和國行政區劃 |
大韩民国 | 首爾, 釜山, 大邱, 仁川, 光州, 大田, 蔚山, 世宗 | 韓國行政區劃 |
俄罗斯 | 莫斯科, 聖彼德堡, 塞瓦斯托波爾 (有爭議) | 俄羅斯行政區劃、俄羅斯聯邦直轄市 |
吉尔吉斯斯坦 | 比什凱克, 奧什 | |
Template:Country data LAO 老挝 | 萬象 | |
Template:Country data MDA 摩尔多瓦 | 基希納烏, 本德爾, 蒂拉斯波爾、伯爾茲 | |
蒙古国 | 烏蘭巴托 | |
中華民國 | 臺北市, 高雄市, 新北市, 桃園市, 台南市, 臺中市 | 直轄市 (中華民國)、中華民國行政區劃 |
土库曼斯坦 | 阿什哈巴德 | |
乌克兰 | 基輔, 塞瓦斯托波爾 (有爭議) | |
乌兹别克斯坦 | 塔什干 | |
越南 | 河內市, 胡志明市, 海防市, 峴港, 芹苴 | 越南行政區劃 |
关闭