横琴粤澳深度合作区

横琴粤澳深度合作区（葡萄牙語：Zona de Cooperação Aprofundada entre Guangdong e Macau em Hengqin），前身为2009年11月25号成立个珠海横琴新区，勒拉中国广东省珠海市香洲区南部，贴隔壁是澳门同珠海市，是广东省搭仔澳门特别行政区一道管理个特殊经济区，面积约106平方公里，总人口53,040人，实际浪向管理整只横琴岛，2021年9月17号正式揭牌成立个^[1]。2024年3月1号0点开始正式封关运作。

2023年横琴粤澳深度合作区夜景

实施范围

横琴粤澳深度合作区勒拉广东省珠海市橫琴岛，大部分侪是填海造地填出来个土地。合作区范围是横琴岛“一线”搭仔“二线”当中个海关监管区域，横琴同澳门特别行政区当中是“一线”；横琴同中华人民共和国关境内其他地区（简称内地）当中是“二线”。

根据横琴全岛客观现实情况，对合作区进行分区分类施策管理。澳门大学横琴校区同横琴口岸澳门管辖区由全国人大常委会授权澳门特别行政区政府管理，施行澳门有关制度同规定，跟其他区域物理硬隔离；粤澳双方共商共建共管共享个地方用电子围网监管跟目录清单个方式，对符合条件个市场主体实施特殊政策。

参考

1. "橫琴粵澳深度合作區管理機構揭牌". 澳門特別行政區新聞局. Retrieved 2021-09-17.