From Wikipedia, the free encyclopedia
广东梅大高速路面塌方灾害[1][注 1],指个是2024年5月1号凌晨2点10分左右,勒拉广东省梅州市大埔县梅龙高速公路(梅大高速段)K11.9茶阳路段发生个一起路面坍脱个事体。截至5月2号14点钟,事体造成23部车子落下去,48人死脱,30人受伤。
梅大高速是梅州市境内拿梅江区同大埔县连拉一道个高速公路[2]。箇趟事故发生个路段是梅大高速二期搭仔东延线,是2014年12月31号通车个,项目建设方搭仔运营方侪是广东交通集团下头个公司。
营运管理方广东大潮高速公路有限公司曾经涉及多起合同纠纷案[3]。
2023年4月1号,梅大高速也因为落大雨发生坍塌,箇段双向交通中断,呒啥人受伤咾啥个,到5月9号24点纔全线恢复通行[3]。
事故发生前几日天,广东持续遭受强降雨。当天,广东多地发出气象灾害预警信号。据统计,截止5月1号8点19分,全省拢总挂拉41個暴雨预警信号、48個雷雨大风预警信号、5個冰雹橙色预警信号[2]。
4月以来梅州出现多轮个强降雨,超越历史记录。4月1号到4月30号,大埔县降雨量628.2毫米,比常年平均228.4毫米多2.75倍[4]。据气象监测显示,4月30号8点钟到5月1号8点钟,梅州大埔县落暴雨,全县平均降雨量48.9毫米,最大降雨量66.1毫米[2]。
广东省交通运输厅官网勒拉4月30号发过条消息,讲持续性强降雨导致广东部分地区高速公路、普通国省道损伤脱哉[3]。
公路塌方路面长约莫17.9米,面积约莫184.3平方米[2]。
到5月2日14点钟,发现23部车子跌下去,死脱48個人,30人受伤。大部分车子埋拉土里向,有些烧脱[5]。伤员主要是骨伤、颅脑外伤、肺挫伤,28人来勒梅州市人民医院救治,2名送到大埔县人民医院住院治疗[6]。
5月1号当天,广东省、梅州市成立事故救援现场指挥部,公安、应急、消防、卫健、交通、矿山救护队咾啥个拢总500多人参与现场救援[2]。中共广东省委书记黄坤明做出指示安排,省长王伟中赶到灾害现场,实地指挥一线个生活[7],成立灾害调查评估组[8]。
5月2号,中共中央总书记、中华人民共和国主席、中央军委主席习近平做出指示,要求全力做好现场救援伤员救治、及时排查处置风险隐患、确保人民群众生命财产安全搭仔社会大局稳定。中共中央政治局常委、国务院总理李强做出批示。应急管理部、交通运输部咾啥个部门派出工作组赶到现场指导救援个生活[9]。
2024年5月4号,中甲联赛第9轮大连英博坐镇主场0:1输畀广州队。比赛结束以後,部分大连极端球迷对比赛结果搭仔判罚弗满意,来勒球场里向堵牢、殴打广州队球员搭仔球迷,场外拦脱广州队球员个大巴,还来勒网丄向称赞箇趟事故“死得好”“压死猴子”“塌死广东人”咾啥,进行地域歧视,引起公众关注。后续有球迷报警,警方受理箇桩事体,相关人员畀警察拉去关仔两日天。[12]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.