希腊历史
From Wikipedia, the free encyclopedia
希腊历史传统上包括对于希腊人民,对于渠拉统治个地域,以搭今朝希腊国土内地区个历史研究。希腊人个定义搭居住范围拉历史上有咾大个变动,因此希腊历史所牵涉个地域具有一定弹性,每一个时期侪有自家个地域范围。
公元前3000年,希腊地区发展出高度个爱琴文明,前1500年,古希腊人个其中一支多利安人入侵希腊[1],进而吸收迈锡尼文明,前1200年,多利安人奈渠摧毁,原居克里特岛个希腊人为了躲避多利安人个侵袭,分别迁往阿提加半岛、小亚细亚等地,迭段战乱纷起个时代被称为黑暗时期,造就希腊城邦政治个发展个基础,波希战争后,古希腊政治、经济托文化发展达到巅峰,但也由于诸邦林立,彼此互相攻伐,导致希腊城邦普遍衰败个景况,马其顿趁势崛起,希腊便拉马其顿个统治之下。亚历山大南征北讨,领土曾扩张到欧亚非三洲。希腊文明传播到埃及搭兴都库什等地区。之后,大量个希腊族裔散落拉迭片广大个土地上,包括土耳其、意大利、利比亚、黎凡特等[2]。
亚历山大去世后,帝国分裂成三大王国,古罗马共和国则先后吞并三大王国,希腊也被罗马并吞。自此古希腊灭亡成为罗马个一部分。后来罗马帝国分裂为东西罗马帝国。东罗马帝国以拜占庭为中心,孕育出东方色彩个希腊文化。1453年,奥斯曼帝国攻陷君士坦丁堡,灭亡拜占庭帝国,之后,希腊进入奥斯曼土耳其帝国统治时期。直到1832年,希腊才正式宣布独立。
第一次世界大战时,希腊托同盟国交战,获得爱琴海地区个部分领土。到了第二次世界大战时,德、意两国轮番侵略,希腊虽有反击,终究抵挡弗住德军个攻势,曾一度遭到德军佔领。二战后,希腊则开始国家个新建设,1967年,则发生政变,实权落入军人手中,1974年,希腊政治又做了一次大变革,军人政府改为民选政府,召开国民会议,废除君主制,成立新个共和政体。
希腊移民已经广泛融入全球各种弗同个社会。弗过,今朝大多数希腊人还是居住拉现代个希腊共和国(拉1821年独立)搭塞浦路斯(拉1960年独立)。