南浦大橋

南浦大橋勒拉上海黃浦區董家渡，是上海市第二座跨越黃浦江个大橋，也是上海中心城區第一座跨越黃浦江个大橋。因爲該橋是南市區跨越黃浦江个大橋，故名。南浦大橋架勒浦西陸家浜路至浦東新區南碼頭之間，曾經爲世界第三大疊合梁斜拉橋。大橋跨越黃浦江連接黃浦區交浦東新區，是上海內環線个重要組成部分，也是開發浦東个起步工程之一。

南浦大橋橫跨黃浦江

從浦西欣賞南浦大橋橋景

介紹

南浦大橋由上海市市政工程設計院設計，黃浦江大橋建設指揮部組織施工。工程於1988年12月15號動工，1991年12月1號建成通車，工程實際決算8.15億元人民幣。該橋全長8629米，主橋846米，浦東引橋長3746米，浦西引橋長3754米。主橋採用雙塔雙索面鋼與混凝土結合梁斜拉橋。主跨跨徑423米，一跨過江，通航淨空46米，下可通行5萬噸級巨輪。 主橋塔高150m，採用折線H型鋼筋混凝土塔柱，雙索面呈扇形佈置。塔柱每側索面各22對斜拉索，勒塔柱中央設置一對垂直索，以代替梁下豎向支承，使主樑勒縱向成爲漂浮體系。主樑採用鋼-混凝土結合梁構造，邊跨設置輔助墩。主橋兩段及邊墩處設置640mm組合式大位移伸縮縫。主橋橋面寬30.35米，其中6車道車行道寬23.45米，主橋兩側各設2米寬个人行道。車行道與斜拉索、人行道間設防撞欄杆。搭上海其他越江隧道以及橋樑一樣，南浦大橋嘸沒提供免費个供行人以及腳踏車个非機動車道搭人行道，大橋全天衹准通行機動車，腳踏車衹好坐擺渡船過江，而供遊人上橋欣賞黃浦江美景个2m寬个人行道也未能充分利用，行人上橋收取觀景門票對於上海本市居民而言還弗如坐公車過江便宜，告咾造成人行道長期閒置浪費。

南浦大橋勒浦東浦西共設有4部垂直電梯，供遊人上橋遊覽觀光。主塔上有鄧小平親筆書寫个“南浦大橋”四隻字。

歷史

• 1988年12月15日，南浦大橋動工建設^[1]
• 1991年6月20日，南浦大橋合攏。^[2]
• 1991年12月1日，南浦大橋建成通車^[1]
• 爲內環線浦東段快速化改建工程高架部分，南浦大橋浦東引橋（即現主橋面與龍陽路地面道路連接部分）2009年7月31號到2010年1月21號進行全封閉頂升施工，原來途經浦東引橋上下橋个車輛改走新建个南北兩側匝道上下南浦大橋，^[3]並於其後接浦東个內環高架路。
• 2011年12月1日，爲紀念南浦大橋建成通車20周年，在大橋浦西引橋處懸掛橫幅以示紀念。

另見

• 上海內環線
• 楊浦大橋

參攷文獻

1. "與小平个三次相遇 ——建設功臣朱志豪回憶鄧小平視察黃浦江大橋往事". 東方網-文匯報 (新浪網). 2004-08-14. Retrieved 2012-11-24.
2. "1991年6月20日：上海南浦大橋通車". 新華社 (人民網). 2009-10-28. Retrieved 2012-11-24.
3. 南浦大橋浦東引橋月底封閉 一旦擁堵啟動應急措施(原載《新聞晨報》) (zh). 東方網 (2009-07-29). 原始文档勒2009-08-01存档. 访问日脚2009-07-29.