中国浙江省个地级市 From Wikipedia, the free encyclopedia
行政区类别 | 地级市 |
市政府位置 | 临城 |
陆域面积 | 1440.12平方公里 |
海域面积 | 2.08万平方公里 |
位置 - 经度 - 纬度 |
东经122°5'56" 北纬30°0'58" |
气候 | 亚热带海洋性季风气候 |
平均气温 | 16.4 ℃ |
平均雨水 | 1442.5毫米 |
人口 | 114.0万(2012) |
民族 | 基本上统是汉族江浙民系(吴越民系) |
地区生产总值(GDP) - 人均 |
人民币 1095亿元(2015年) 人民币 95272元 |
市党委书记 | 周江勇 |
市长 | 温暖 |
电话区号 | 0580 |
邮政编码 | 316000 |
机动车牌照 | 浙L |
位置来得长江、钱塘江、甬江三江口外向东海洋面里。全市吨咀(ten-tsyu|总共)算带拢岛屿有得1,391个,其中本岛舟山岛是中国第四大岛。别样个大眼岛屿还有得岱山、六横、衢山、泗礁、金塘格当。
新石器时代辰光,舟山该里人类活动个迹象有的嘞。搭中国唐朝个玄宗皇帝开元辰光,舟山群岛亗第一个头县政府成立嘞,名字讴仔翁山县,长庆年间到撤消了。宋朝辰光讴昌国县,元朝辰光搭其升格搭昌国州的,朱元璋皇帝当上伊上,独怕沿海兀亗老百姓里通外国呫卜,格么昌国州被撤消了嘞,老百姓统拨伊别勒浙江大陆亗嘞。伊直搭清朝康熙皇帝辰光,还备台湾个郑成功拨伊打倒嘞,箇咾政府搭舟山群岛县政府亦砌仔一个,名字讴定海县。
头一趟鸦片战争辰光,英国人搭舟山打进勒眼,还备舟山特别个地理位置,道光廿一年,舟山拨伊升格为定海直隶厅,辛亥革命到伊到,亦恢复成定海县嘞。1987年,舟山市成立的嘞。
舟山市是1987年1月经国务院批准该个唯一个省辖海岛港口旅游城市,阿是全国唯一个以群岛组成该个海上城市。舟山本岛为全国第四大岛,面积为502平方公里,是舟山市人口个主要集聚地搭政治、经济、文化中心介。
根据2010年第六次人口普查,舟山常驻人口有112.13万,人口密度是每平方公里813.69,户籍人口一共有967710个人。
舟山市面积1440平方千米,人口1121261人。2个市辖区、2个县辖当。
定海区面积568.8平方公里,人口46.42万人,岛屿127个。邮便号头316000。区人民政府驻昌国路60号
普陀区面积458.6平方千米,人口37.88万人,岛屿454个。邮便号头316100。区人民政府驻沈家门街道北安路255号。
岱山县面积326.83平方千米,人口20.22万人,岛屿404个。邮便号头316200。县人民政府驻高亭镇人民路88号。
嵊泗县面积86平方千米,人口7.61万人,岛屿404个。邮便号头202450。县人民政府驻菜园镇沙河路388号。
抲鱼搭晒盐介,是舟山市个传统行业。刚即,搭海洋介有关了个加工业,已经放命介发达当。
普陀山风景区搭嵊泗列岛风景区介是国家级吙风景名胜区,岱山搭桃花介是浙江省级吙风景名胜区。
海运:是传统对外个交通渠道,有定海、沈家门、高亭、泗礁该几个港口。
公路:舟山市里向个路统修勒蛮方便个,如果要开车搭外头去可以通过舟山跨海大桥开出去。
航空:有舟山普陀山机场该一个民用机场,来勒朱家尖岛上头,来岱山岛还有一个军用机场,是以前国民政府造个。
舟山有得渔业、港口、旅游三大优势。舟山是中国顶大个海水产品生产、加工、销售基地,一到头有“中国渔都”个美称个。舟山港湾委实多猛,航道纵横,水深浪平,是中国屈指可数个天然货深水良港。舟山保存好猛个海岛自然景色,丰富和旅游资源蕴育该,一上即已开辟该个二个国家级搭二个省级旅游风景区介,1999年游客量397.48万人次。耕地吨咀(ten-tsyu|总共)面积1.9万公顷,里向水田1.19万公顷,旱地0.71万公顷。林地吨咀面积5.59万公顷。
舟山一到头有“东海鱼仓”搭“祖国渔都”介个美称。还备(wah-bei|因为)附近海域自然环境优越猛,饵料邪气丰富,搭习性各样个鱼虾洄游、栖息、繁殖搭生长创造仔交关好个条件。吨咀有得海洋生物1163种,按类别介分分:有得浮游植物91种、浮游动物103种、底栖动物480种、底栖植物131种、游泳动物358种。捕捞个主要品种有带鱼、鳓鱼、马鲛鱼、海鳗、鲐鱼、马面鱼、石斑鱼、梭子蟹、虾类啊啥西40多升种类。
海洋矿产资源好分成三大类:一是滨海砂矿;二是海底石油搭天然气介;三是海底多金属结核搭多金属软泥介。东海首先发现并进入商业化开发个是平湖油气田,搭岱山岛东南方向介有得302公里,总面积大陈模240平方公里。探明该个储量为:天然气108亿立方米,凝析油177万吨,轻质原油1078万吨。
重点中学:舟山中学、普陀中学、岱山中学、嵊泗中学、舟山二中、定海一中、南海实验学校高中部
普通中学:定海二中、定海三中、定海四中、定海五中、定海六中、东海中学、普陀二中、普陀三中、高亭中学、东沙中学、大衢中学、金塘中学、海星中学、菜园中学
得天独厚个渔港景资源,孕育仔舟山特色鲜明个海洋文化,比方底蕴深猛个海洋佛教文化,历史长猛个海洋文化、浓郁粗犷个海洋民俗文化、瑰丽奇秀个海洋景观文化、闯荡四海个海洋商贸文化、鱼水情深个千岛“双拥”文化格所。舟山海洋文化搭内陆农耕文化介吲吤哩(yin-kah-li|分明、很)各样,其个根来得海洋里,特色来得海洋文化中央哈。
搭历史高头介相,舟山海洋文化源远流长。老早百年来得新石器时家,人类就来得樵山渔海,生息繁衍该嘞。定海马岙镇该向发现的个拨人家称为“千岛第一村”个唐家墩遗址群,是舟山群岛堂眼发现该个规模顶大货原始村落,距今大陈模有得6000年历史。
该两年舟山发展海洋文化方面作勒交关多有益吙尝试,比方举办国际沙雕节、开发桃花岛武侠文化、发展休闲渔业、举办国际国内运动赛事啊啥西。舟山钟灵毓秀、人杰地灵,是原全国人大委员长乔石、香港特首董建华、原全国政协副主席安子介啊啥西一大摙国内外著名吙人士个故乡。
舟山阿是阿拉省著名个侨乡,据统计有得10万多升舟山人侨居勒海外u-sei(地方),分布仔世界38个国家搭地区介,阿是全国搭台湾去该人顶多个地区之一(2万多人)。多猛舟山籍港澳台侨胞搭海外人士介森三为舟山个建设发展作仔箇贡献,拨伊授予勒舟山市荣誉市民称号:舟山舰全体官兵、大森信吾(日本)、董建华、许克勤、方新道、董建成、铃木升(日本)、杨永曼、王福元、王惠成、王惠、性海法师、洪才贤、郑秀菊。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.