朱元璋

朱元璋（1328年10月21號—1398年6月24號)，本名朱重八，明朝開國皇帝（1368年 - 1398年在位）。性格暴躁多疑，擅長權術鬥爭搭排擠對手。渠出身鳳陽歉漏人家，開創個八股取士制度，成為科舉控制讀書人個樣板。

明太祖
明朝第一代皇帝 在位時期：1368年1月23日－1398年6月24日
明太祖袞龍袍像
首都	京師應天府（今江蘇省南京市）
皇宮	明故宮
年號	洪武
姓名	朱元璋
別名	朱興宗
出生年	元文宗天曆元年九月十八日 (1328-10-21)1328年10月21號
出生地	濠州鍾離之東鄉（今安徽省鳳陽縣小溪河鎮之燃燈寺村）
立儲	朱標
逝世	明太祖洪武三十一年閏五月十日 1398年6月24號（69歲）
逝世地	南京皇宮之西宮
廟號	太祖
諡號	開天行道肇紀立極 大聖至神仁文義武 俊德成功高皇帝
陵墓	孝陵
父親	朱世珍（追尊明仁祖）
母親	陳氏（追尊淳皇后）
皇后	孝慈高皇后馬氏
貴妃	成穆貴妃孫氏 江貴妃 趙貴妃
妃	朱元璋后妃
其他位號	淑妃李氏等
兄弟	大哥朱興隆 二哥朱興盛 三哥朱興祖
姊妹	太原長公主 曹國長公主
皇子	共26人
皇女	共16人

小辰光

朱元璋生勒元朝天順帝天曆元年（1328年）9月18號未時。爺名字朱世珍。娘名字陳氏。朱元璋祖籍來拉江蘇沛縣，祖宗勒到濠州（今朝安徽鳳陽）定居。因為生個辰光，人里蟲爬起，乃末原名蟲扒，後首來勒拉皇覺寺再畀名字改成重八，朆多少辰光貤改朱興宗。搞元末農民起義後名字改朱元璋，字國瑞。朱元璋小辰光幫地主牽牛。至正四年（1344年）淮北大旱，朱元璋個爺娘、兄弟先後過輩，嘸不辦法只好到皇覺寺去做和尚。

朱重八箇個名字，意思是「雙八」，是元朝對賤民個出名字個方法，朱重八個伯兒，名字朱四五。也是箇意思，從名字裡也反映出朱元璋生得歉戶。

紅巾軍時期

至正十二年（1352年）渠個朋友家湯和寫信畀渠勸渠當紅巾軍，投奔郭子興，後晚佢指揮指得好，朆多少時長便從小軍官升到元帥，還討郭子興個養囡馬氏做老安(就是後首來有名個馬皇后)。至正十六年（1356年）朱元璋打落集慶，畀箇蕩地當自己個大本營，名字改應天府。

吳王時期

朱元璋採取朱升"高築牆、廣積糧、緩稱王"個建議，用穩健進攻個措施，畀徐壽輝、陳友諒搭張士誠個勢力打倒。至正廿一年（1361年）朱元璋受小明王韓林兒個封，做吳國公。1364年自封吳王，就勒一年頭浪畀小明王沒死勒長江里向。

建都開國

至正廿八年（1368年）正月初四（1月23號），朱元璋來勒應天稱帝，建國號大明，年號洪武。改應天"南京"，改開封"北京"。同年閏七月，大將徐達攻克大都，元朝滅亡。洪武十四年（1381年）征服雲南，中國大致一統。

分封功臣諸子

洪武元年，大封諸將為公侯。初封六公，其中以六大將、一大臣為開國元勛。分別為：中山王徐達、開平王常遇春、歧陽王李文忠、寧河王鄧愈、東甌王湯和、宋國公馮勝、宣國公李善長。而後又追填封胡大海為越國公、追封英勇戰死的丁德興為濟國公、湯和為信國公、馮國用封郢國公。

洪武二年（1369年）正月初十日，朱元璋命於雞鳴山立功臣廟。當時渠告諭中書省臣：元末政亂，禍及生靈。我倡義臨濠，以全鄉曲。繼率英賢渡大江，遂西取武昌，東定姑蘇，北下中原，南平閩廣，越十有六載，始克混一。每念諸將相從，捐驅戮力，開拓疆宇，有共事而不睹其成，建功而未其報。追思功勞，痛切我懷。因此，命有司立功臣廟，序其封爵，為像以祀。人孰無死，死而不朽，乃為可貴如諸將者，生建忠勇之命，死有無窮之榮；身雖歿而名永不磨滅。六月初三日廟成，朱元璋親定功臣位次，以徐達為首，次常遇春、李文忠、鄧愈、湯和、沐英、胡大海、馮國用、趙德勝、耿再成、華高、丁德興、俞通海、張德勝、吳良、吳楨、曹良臣、康茂才、吳復、茅成、孫興祖凡二十一人。死者像祀，生者虛位。又以廖永安、俞通海、張德勝、桑世傑、耿再成、胡大海、丁德興七人配享太廟。此位次，屢經刪汰，並非洪武二年所定名單位次。

朱元璋一共有廿六子，嫡長子為皇太子，其餘儕分封為王，咦分封一個從孫為王，使之出鎮全國險要。一部分鎮守北方以防蒙古侵擾，稱邊王。渠搭東起遼東，西迄甘肅，各守據點，保衛邊疆，像燕王朱棣鎮北平（今北京）、寧王朱權鎮大寧（今內蒙古昭烏達盟寧城縣大明城）、谷王朱穗鎮宣府（今河北宣化），等稱為"守邊"九王。餘下則星羅棋布，分駐內地。如周王鎮開封、楚王鎮武昌、潭王鎮長沙、蜀王鎮成都、魯王鎮兗州等。諸王當中，北方邊王勢力頂大。如寧王有甲士八萬，戰車六千。而燕王搭仔晉王權力尤高，像中央派得去個宋國公馮勝、穎國公傅友德也它儕受渠節制，甚至朱元璋允許此兩王擴展渠搭個軍事勢力，軍中事大者方才奏聞，但該個也直接導致建文帝個靖難之變。

追擊北元

朱元璋多趟籌劃北伐蒙古來保障北方邊塞個太平。搿當中勝多敗少，還成功勒拉甘肅打敗過王保保、勒東北逼降納哈出、勒蒙古高原推為點活捉元主脫古思帖木兒，必過1372年大將軍徐達率領個明朝精兵勒拉和林撥王保保打敗，朱元璋只好拿占領原個頭蒙古老窠個企圖放棄落。

刑罰過當

明朝穩定之後，朱元璋制訂着包括《大明律》勒內個一系列嚴格個典章制度，必過由於渠本人個性格搭仔經歷等多方面個原因，勒處罰罪犯個辰光，朱元璋往往並弗按照《大明律》個規定來施刑，而是大開殺戒。

因為渠自家出生苦人家，朱元璋落魂個痛恨魚肉百姓，徇私枉法個官員，規定過貪污60兩白銀就要判死刑，死脫仔還要接受剝皮實草之刑，就是死囚撥剝皮仔，剩下來個皮囊拿稻草塞勒許，做成人偶(還有一種說法是說拿剩下來個皮囊充氣、定型，做成燈籠)，來殺雞儆猴，剝皮實草之刑也撥朱元璋常用。

勒渠主政期間，處煞着交關貪官，包括開國將領朱亮祖，女婿駙馬都尉歐陽倫，甚至為之郭桓案，空印案殺脫幾萬來名官員。交關官員儕是撥冤殺。而空印案本身撥認為是無中生有，是皇帝自家猜疑造成個。

由於朱元璋個吏治嚴厲，勒拉明初相當長一段辰光，官員腐敗個情況得到有效遏制。同時，由於擔心皇太子朱標文弱，恐怕歇仔兩日弗足以駕馭虎臣虎將，為仔確保朱家天下個穩固，朱元璋勒邊務穩定之後開始大規模誅戮功臣，先後炮製洪武十三年1380年個胡惟庸案、洪武廿六年1393年個藍玉案等大規模個案件，株連人數達到4萬5千來人，包括宰相李善長，胡惟庸，汪廣洋，大將藍玉、傅友德、馮勝等開國功臣撥渠清掃一空。

體恤平民

朱元璋雖然對官員要求來得個嚴厲，一頭也交關注意減輕民間普通老百姓個負擔，勒拉主政辰光，基本浪實現輕徭薄賦，同時多趟救濟災民。社會生產力勒渠統治期間恢復弗少，人口數量穩定增長。

朱元璋生活苛苦，工作健勁，來勒南京皇宮裡向，嘸撥御花園，只有御菜園，里向種滿素菜，供撥皇宮。

皇后馬氏勒1382年9月17號過輩。

洪武三十一年（1398年）閏五月，朱元璋駕崩勒應天皇宮。葬勒紫金山孝陵里。朱元璋遺詔46位嬪妃為渠殉葬。漢族終止仔一千來年個殉葬制度撥拉朱元璋重新啟動，一徑到明英宗辰光再咦廢脫。

對江南個打壓

由於江南人多數支持朱元璋個對手張士誠，讓朱元璋相當弗高興，所以攻下太湖地區後，朱元璋來勒交關長個辰光內對江南人進行打壓，包括強行遷移江南人口；拿江南富商，比方講沈萬三等，抄家流放；搞南北科舉，歧視江南讀書人等。江南人民對伊個政策相當弗滿，交關被伊強制遷到鳳陽個蘇州人每年冬天儕裝成乞丐逃往蘇州。朱元璋為達到拆分江南個目的，又設立所謂個「南直隸」，拿淮海、江淮、江南文化圈強行捆綁，有造成江南地區行政割裂，想用此淡化江南人對伊個抵抗。

家族列表

• 父親 仁祖淳皇帝 朱世珍（原名朱五四）
• 母親 淳皇后陳氏
• 兄弟姊妹
  • 朱興隆，南昌王
• 皇后 孝慈昭憲至仁文德承天順聖高皇后馬氏，宿州人，1382年死，活得51歲。父馬公母鄭媼（公與媼非正式名字），郭子興義女。
• 妃：

1. 成穆貴妃孫氏，陳州人，1374年死，活得32歲。兄孫藩，元帥馬世熊義女。
2. 淑妃李氏，壽州人，父李傑。
3. 寧妃郭氏，濠州人，父郭山甫，兄郭興、郭英。

兒囡

兒

• 朱標，大兒，懿文太子 (孝慈高皇后出) ，逝於1392年，長子朱允炆撥立為皇太孫，繼明太祖帝位
• 朱樉，老二，秦愍王 (孝慈高皇后出)
• 朱棡，老三，晉恭王 (孝慈高皇后出)
• 朱棣，老四，明成祖 (碩妃出，但自稱孝慈高皇后出) 來源請求
• 朱橚，老五，周定王 (孝慈高皇后出)
• 朱楨，老六，楚昭王 (胡充妃出)
• 朱榑（1364年-1428年），老七，齊王（永樂朝廢為庶人）(達定妃出)
• 朱梓（1369年-1390年），老八，潭王（洪武朝自焚死）(達定妃出)
• 朱杞，老九，趙王（幼殤）
• 朱檀，老十，魯荒王 (郭寧妃出)
• 朱椿（1371年-1423年），十一個，蜀獻王 (郭惠妃出)
• 朱柏（1371年-1399年），十二個，湘獻王 (胡順妃出)
• 朱桂（1374年-1446年），十三個，代簡王 (郭惠妃出)
• 朱柍，十四個，肅莊王 (郜氏出)
• 朱植，十五個，遼簡王 (韓妃出)
• 朱栴，十六個，慶靖王 (余妃出)
• 朱權，十七個，寧獻王 (楊妃出)
• 朱楩，十八個，岷莊王 (周妃出)
• 朱橞，十九個，谷王（永樂朝廢為庶人）(郭惠妃出)
• 朱松，一廿個，韓憲王 (周妃出)
• 朱模，廿一個，沈簡王 (趙貴妃出)
• 朱楹，廿二個，安惠王
• 朱桱，廿三個，唐定王 (李賢妃出)
• 朱棟，廿四個，郢靖王 (劉惠妃出)
• 朱㰘，廿五個，伊歷王 (葛麗妃出)
• 朱楠，廿六個。

囡

1. 臨安公主，1376年下嫁韓國公李善長子李祺（-1403年），1421年卒。
2. 寧國公主，母孝慈高皇后，1378年下嫁汝南侯梅思祖從子梅殷（淮安總兵官），1434年卒。
3. 崇寧公主，1384年下嫁牛城，未幾薨。
4. 安慶公主，母孝慈高皇后，1381年下嫁歐陽倫。
5. 汝寧公主，1382年下嫁吉安侯陸仲亨子陸賢。
6. 懷慶公主，母成穆貴妃孫氏，1382年下嫁永春侯王寧，子王貞亮。
7. 大名公主，1382年下嫁灤城侯李堅，1426年卒，子李莊。
8. 福清公主，母安妃鄭氏，1385年下嫁鳳翔侯張龍子張麟。麟未嗣侯卒。永樂十五年（1417年）卒。
9. 壽春公主，洪武十九年（1386年）下嫁穎國公傅友德子傅忠，1388年卒。
10. 十公主，早薨。
11. 南康公主，洪武二十一年（1388年）下嫁東川侯胡海子胡觀（自縊死），1438年卒。
12. 永嘉公主，母惠妃郭氏，洪武二十二（1389年）年下嫁武定侯郭英子郭鎮，1455年卒。
13. 十三公主，早薨。
14. 含山公主，母高麗妃韓氏，洪武二十七年（1394年）下嫁尹清（掌後府都督事），1462年卒，壽82歲。
15. 汝陽公主，母惠妃郭氏，洪武二十七年（1392年）下嫁謝達（前府都督僉事）。
16. 寶慶公主，太祖最幼女（父崩時，年3歲），1413年下嫁趙輝（南京都督），1433年卒。
17. 福成公主，父南昌王（朱興隆），母王氏，嫁王克恭。王克恭曾任福建行省參政，後改福州衛指揮使。
18. 慶陽公主，蒙城王（仁祖朱世珍弟壽春王之子）女，嫁黃琛（淮安衛指揮使）。

傳說

• 傳說朱元璋做過明教門徒;立國過"明"當國號（小說倚天屠龍記以此為題材）。

外部連結

• 朱元璋人貌之謎

Template:中國開國皇帝

維基共享資源里向尋得着搭該篇文章搭界個多媒體資源：

朱元璋