租界

租界，指個是一國勒拉別國個通商口岸開闢、經營個居留搭貿易區域。租界個特點是畀外國人接管、有自家一套個行政管理權搭一星國家主權，主要是外國領事或者是僑民組織個工部局個市政機構行使上箇星權力，箇咾箇星地方弗受當地政府行政管理，外加還同別個國家有得交流。

20世紀初個上海公共租界外灘

租界按照開闢搭管理狀況，好分成功兩種。一種是由一個國家單獨開闢管理個，叫專管租界；還有一種由多個國家一道開闢管理個，叫公共租界。

歷史

因為租界勒拉歷史浪個地位搭作用，大部分歷史學家認為伊是殖民地、半殖民地國家特有個。歷史浪，19世紀中期以前個日本、印度、伊朗儕有得過租界歇。按照租界個開闢搭管理情況，好分成兩類：一類是，一個國家單獨開闢管理個，叫「專管租界」；另外一類是多個國家一淘開闢、一淘管理個，叫「公共租界」^[1]。

1845年11月29日，中國第一塊租界由宮慕久通過道台個名義搭告示形式公布《上海租地章程》朝後出現^[2][3][4]。

設拉中國個租界

從1845年英國根據《上海租界章程規定》撈到頭一塊租界，到1902年奧匈帝國設立天津租界，曾攏總出現過25個專管租界搭2個公共租界。某些合併哉，箇咾到清朝末期，中國攏總有22個專管租界搭2個公共租界^[1]:1。

各個國家勒拉中國個租界分布^{[1]:1-2、283-289}：

大不列顛及愛爾蘭聯合王國　7個，後些來減成6個： 上海英租界（後些來同上海美租界併成上海公共租界） 廈門英租界 天津英租界 鎮江英租界 漢口英租界 九江英租界 廣州英租界 還嘸沒造好個6個： 營口英租界 江寧英租界 宜昌英租界 蕪湖英租界 溫州英租界 煙臺英租界[5]

大日本帝國　5個： 蘇州日租界 杭州日租界 天津日租界 漢口日租界 重慶日租界 還有嘸沒造好個4個： 沙市日租界 福州日租界 廈門日租界 營口日租界

法蘭西共和國　4個： 上海法租界 天津法租界 廣州法租界 漢口法租界 還有嘸沒造好個2個： 煙臺法租界[6] 江寧法租界

美利堅合眾國　2個，慢慢交併成0個 上海美租界（後些來同上海英租界併成上海公共租界） 天津美租界（先還畀清政府，後些來畀併進英租界裡向） 還有嘸沒造好個1個： 溫州美租界

德意志帝國　2個： 漢口德租界 天津德租界

俄羅斯帝國　2個： 漢口俄租界 天津俄租界

意大利王國　1個： 天津意租界 奧匈帝國　1個： 天津奧租界 比利時殖民帝國　1個： 天津比租界

公共租界　2處： 上海公共租界 鼓浪嶼公共租界（英、美、德、法、西、日、丹麥、荷蘭、瑞典-挪威聯合王國）

上海租界

上海法租界個圖章

主文章：上海租界

• 上海英租界（後與上海美租界合併成上海公共租界）
• 上海美租界（後與上海英租界合併成上海公共租界）
• 上海公共租界（Shanghai International Settlement）
• 上海法租界（La concession française de Changhaï）

天津租界

主文章：天津租界

1931年中國收回天津比租界

天津租界地圖：
海河東岸：
     天津奧租界      天津意租界      天津俄租界（分成兩部分）      天津比租界
海河西岸：
     天津日租界      天津法租界      天津英租界      天津德租界

1860年，英國頂先勒拉天津設租界，頂多個辰光有9個國家勒拉天津設租界^[7]。天津也是中國頂早收回租界個城市之一。1945年日本投降以後，中國正式收回天津阿末兩個租界，箇結束脫天津租界個歷史^[7]。

漢口租界

主文章：漢口租界

漢口租界數量排拉中國第二，只排拉天津後頭。甲午戰爭前，只有英租界；甲午戰爭後頭（1898年－1917年），增加4個（法、日、俄、德），五國租界排拉江岸；1917年，漢口德租界畀北洋政府收轉來；1924年，漢口俄租界也畀北洋民國政府收轉來。1926年，漢口英租界畀北伐軍國民革命政府收轉來。箇咾1927年開始只有2個租界：漢口法租界搭漢口日租界。

廈門租界

• 廈門英租界
• 鼓浪嶼公共租界

廣州租界

參見：沙面

• 廣州英租界
• 廣州法租界

重慶租界

• 重慶日租界

杭州租界

主文章：杭州日租界

九江租界

主文章：九江英租界

九江英租界曾有過好幾趟中外衝突事件。1927年3月15號，武漢國民政府拿九江英租界收轉來。

蘇州租界

主文章：蘇州日租界

鎮江租界

• 鎮江英租界

收回租界

租界是中國近代史里向影響中國政局一個重要因素。弗執政個派別縮拉租界裡向發展；政府眼睛裡向租界是喪權辱國個象徵，倒一直想拿伊收轉來。下頭是部分租界收轉來個辰光表：

• 1917年，中國參加歐戰協約國，對德意志帝國同奧匈帝國宣戰，收轉來漢口德租界、天津德租界搭天津奧租界。
• 1924年，蘇聯宣布放棄原來俄國勒拉中國個租界。
• 1927年1月3日，國民政府收回漢口英租界。
• 1927年1月10日，國民政府收回九江英租界。
• 1929年11月11日，國民政府收回鎮江英租界。
• 1930年9月17日，國民政府收回廈門英租界。
• 1931年1月15日，國民政府收回天津比租界。
• 1943年3月30日，日本拿杭州、蘇州、漢口、天津四個地方個日本租界交畀汪精衛政權。按照汪精衛政府要求，日本方面對法國維希政府施加壓力，逼伊放脫伊勒拉中國個租界。
• 1945年中國抗日戰爭勝利後，國民政府宣布拿所有勒拉中國個租界全部收轉來，勒拉中國個租界箇咾結束哉。

設拉日本個租界

設拉朝鮮個租界